ఎవరు మీలో కోటీశ్వరులు షోపై అంచనాలు పెంచిన తారక్!

యంగ్ టైగర్ జూనియర్ ఎన్టీఆర్ ఒకవైపు ఆర్ఆర్ఆర్ షూటింగ్ లో పాల్గొంటూనే మరోవైపు ఎవరు మీలో కోటీశ్వరులు షోకు హోస్ట్ గా షూటింగ్ లో పాల్గొంటున్నారు. ఆర్ఆర్ఆర్ సినిమాకు ముందే చరణ్, ఎన్టీఆర్ మంచి స్నేహితులు అయినప్పటికీ ఈ సినిమాతో వాళ్లిద్దరి మధ్య స్నేహబంధం మరింత బలపడింది. త్వరలో ప్రసారం కాబోతున్న ఎవరు మీలో కోటీశ్వరుడు షోలో హోస్ట్ గా తారక్ ఉండగా హాట్ సీట్ లో చరణ్ కనిపిస్తారని సమాచారం.

చరణ్ హాట్ సీట్ లో కనిపించే ఎపిసోడ్ ఫస్ట్ ఎపిసోడ్ గా ప్రసారం చేస్తారో లేక ఆలస్యంగా ప్రసారం చేస్తారో తెలియాల్సి ఉంది. ఆగష్టు నెల నుంచి ఎవరు మీలో కోటీశ్వరులు షో ప్రసారమయ్యే అవకాశాలు ఉన్నాయని వార్తలు వస్తున్నాయి. చరణ్, ఎన్టీఆర్ కలిసి కనిపించే ఎపిసోడ్ లో ఈ హీరోలు ఆర్ఆర్ఆర్ సినిమాకు సంబంధించిన కీలక విషయాలను కూడా వెల్లడిస్తారేమో చూడాల్సి ఉంది. ఇప్పటికే విడుదలైన ప్రోమోలు ఎవరు మీలో కోటీశ్వరులు షోపై అంచనాలను పెంచాయి.

కోటీశ్వరులు కావాలనుకునే ప్రతిభ ఉన్న సామాన్యుల కలలను ఈ షో ద్వారా జూనియర్ ఎన్టీఆర్ నెరవేర్చనున్నారు. గతంలో మీలో ఎవరు కోటీశ్వరుడు పేరుతో స్టార్ మా ఛానెల్ లో ఈ షో ప్రసారమైన సంగతి తెలిసిందే. ఈ షోకు నాగార్జున హోస్ట్ గా మెప్పించగా చిరంజీవి హోస్ట్ చేసిన ఎపిసోడ్స్ కు మాత్రం టీఆర్పీ రేటింగ్ లు ఎక్కువగా రాలేదు. ఇప్పటికే బిగ్ బాస్ షోను అద్భుతంగా హోస్ట్ చేసిన ఎన్టీఆర్ ఎవరు మీలో కోటీశ్వరులు షోతో ఎలాంటి రెస్పాన్స్ ను సొంతం చేసుకుంటారో చూడాల్సి ఉంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్