రామ్ చరణ్ కోసం స్పై థ్రిల్లర్ కథను సిద్ధం చేసిన మణిరత్నం!

ప్రేమ కథలను కావ్యంలా  తెరకెక్కించే డైరెక్టర్ మణిరత్నం మెగా పవర్ స్టార్ కోసం అద్భుతమైన స్టోరీ ని సిద్ధం చేశారు. వీరిద్దరూ ఎప్పటి నుంచో సినిమా చేయాలనీ అనుకుంటున్నారు. చెర్రీకి కొంతకాలం క్రితం ఓ లవ్ స్టోరీ ని డైరక్టర్ చెప్పగా.. అయన పక్కన పెట్టారు. ఇప్పుడు రెండు కథలను వినిపించారు. ఒకటి యువ తరహాలో పొలిటికల్ థ్రిల్లర్ కాగా మరొకటి స్పై థ్రిల్లర్. ఇందులో రామ్ చరణ్ రెండో దానికే ఓటేసినట్లు సమాచారం. చెర్రీ ని యాక్షన్ కథల్లో చూడాలని అభిమానులు కోరుకుంటున్నారు. ఐపీఎస్ ఆఫీసర్ గా చేసిన ధృవ మూవీ కలక్షన్ల వర్షం కురిపించింది. ఓవర్సీస్ లోను భారీ వసూళ్లను రాబట్టింది.

అందుకే రా ఏజెంట్ గా నటించేందుకు గ్రీన్ సిగ్నల్ ఇచ్చారు. ఈ మూవీ ని మణిరత్నం ఏకకాలంలో తెలుగు, తమిళ భాషల్లో రూపొందించడానికి రెడీ అవుతున్నారు.  ప్రస్తుతం సుకుమార్ దర్శకత్వంలో ఓ విలేజ్ లవ్ స్టోరీ కథతో  రామ్ చరణ్ సినిమా చేస్తున్నారు. సమంత హీరోయిన్ గా నటిస్తున్న ఈ మూవీ ఈ నెల 20 న సెట్స్ పైకి వెళ్లనుంది. ఈ చిత్రం తర్వాత రామ్ చరణ్  మణిరత్నం దర్శకత్వంలో నటించనున్నారు.

Also, do SUBSCRIBE to our YouTube channel to get latest Tollywood updates.