కోలీవుడ్ ఇండస్ట్రీలో స్టార్ డైరెక్టర్గా ఎంతో మంచి గుర్తింపు సంపాదించుకున్నటువంటి శంకర్ సినిమా అంటే ఆ సినిమాపై భారీ అంచనాలే ఉంటాయి.ఇలా దర్శకుడుగా ఎంతో మంచి గుర్తింపు సంపాదించుకున్నటువంటి శంకర్ ఇప్పటివరకు ఇండస్ట్రీలో సెన్సేషనల్ హిట్స్ అందుకున్నారు. ఇక తాజాగా ఈయన మెగా పవర్ స్టార్ రామ్ చరణ్ హీరోగా గేమ్ చేంజర్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.
ప్రస్తుతం ఈ సినిమా షూటింగ్ పనులను జరుపుకుంటుంది. ఈ సినిమాలో రామ్ చరణ్ ద్విపాత్రాభినయంలో నటించగా కీయారా అద్వానీ, అంజలి హీరోయిన్లుగా నటిస్తున్నారు. ఇక ఈ సినిమాకు ఎస్ఎస్ తమన్ సంగీతం అందిస్తున్నారు. శంకర్ సినిమా అంటేనే సినిమాలోని పాటలకు ఎంతో ప్రత్యేకత కలిగి ఉంటుంది. అద్భుతమైన గ్రాఫిక్స్ తో ఈయన ఎంతో గొప్పగా పాటలను చిత్రీకరిస్తూ ఉంటారు.
ఇక మెగా పవర్ స్టార్ వంటి అద్భుతమైన డాన్సర్లు దొరికితే ఆ సినిమాలో పాటలను మరింత అద్భుతంగా ప్రేక్షకుల ముందుకు తీసుకువస్తారు అనడంలో సందేహం లేదు. అయితే ఈ సినిమాలో ఐదు పాటలు ఉన్నాయని తెలుస్తోంది. అయితే ఈ పాటల కోసం ప్రముఖ స్టార్ కొరియోగ్రాఫర్లను శంకర్ రంగంలోకి దింపారట.ఇలా ఐదుగురు స్టార్ కొరియోగ్రాఫర్లతో శంకర్ పాటలను భారీ స్థాయిలో చిత్రీకరించబోతున్నారని తెలుస్తుంది.
అద్భుతమైన గ్రాఫిక్స్ లతో ఈ పాటలను డిజైన్ చేయబోతున్నారట. ఇలా గేమ్ చేంజర్ సినిమాలో పాటల కోసమే శంకర్ ఏకంగా 90 కోట్ల రూపాయలు ఖర్చు చేస్తున్నట్లు సమాచారం. ఇక శంకర్ సినిమాలోని పాటలు అంటే ఈ రేంజ్ లో ఉండాల్సిందేనని ఈ విషయం తెలిసినటువంటి పలువురు కామెంట్లు చేస్తున్నారు. ఏది ఏమైనా పాటల కోసమే 90 కోట్లు కేటాయిస్తున్నారని తెలిసి అందరూ ఆశ్చర్యం వ్యక్తం చేస్తున్నారు. అయితే ఈ సినిమాని వచ్చే ఏడాది సంక్రాంతికి విడుదల చేయాలని భావిస్తున్నారు.
Home