మీడియాకు అసలు విషయం చెప్పిన రానా!

బాహుబలి కంక్లూజన్.. గత రెండువారాలుగా సినీ పరిశ్రమల్లో దీని గురించే మాట్లాడుకుంటున్నారు. ఈ దశాబ్దపు మూవీ ట్యాగ్ ని తగిలించుకొచ్చిన ఈ సినిమా, వచ్చే దశాబ్దంలో కూడా ఏ మూవీ చేరుకొని రీతిలో కలక్షన్స్ రాబట్టింది. 19 రోజుల్లో 1500 కోట్లు కొల్లగొట్టిన మూవీగా చరిత్రలోకి ఎక్కుతున్న ఈ సినిమాపై హిందీ మీడియా కూడా కథనాలను ప్రచురించాయి. ఓ మీడియా సంస్థ ట్విట్టర్లో బాహుబలి గురించి ప్రస్తావిస్తూ .. ‘బాహుబలి’ పాత్ర కోసం హృతిక్ రోషన్ ను .. ‘భల్లాల దేవుడు’ పాత్ర కోసం జాన్ అబ్రహంను రాజమౌళి సంప్రదించారని.. వారు కాదంటే ప్రభాస్, రానాకి ఆ పాత్రలు వెళ్లాయని ట్వీట్ చేసింది. ఈ ట్వీట్ పై రానా ఆగ్రహాన్ని వ్యక్తం చేశారు.

ఆ వార్త వాస్తవం కాదని స్పష్టం చేశారు. ‘బాహుబలి’ స్క్రిప్ట్ దశలో ఉండగానే తాను .. ప్రభాస్ ఈ ప్రాజెక్టులోకి భాగస్వాములయ్యామని ఆ మీడియా సంస్థకి చెప్పారు. దీంతో ఆ మీడియా సంస్థ ట్విట్టర్ నుంచి ఆ ట్వీట్ ని తొలగించింది. ఈ దెబ్బతో బాహుబలి, భల్లాల దేవ క్యారెక్టర్స్  సెలక్షన్స్ పై ఉన్న సందేహాలన్నీ తొలిగిపోయాయి.

Also, do SUBSCRIBE to our YouTube channel to get latest Tollywood updates.