టాలీవుడ్ స్టార్ హీరో రానా ఆరోగ్యానికి సంబంధించిన గత కొంతకాలంగా రకరకాలుగా వార్తలు వినిపిస్తూ ఉన్నాయి. రానాకి కిడ్నీ సమస్య ఉందని.. దానికోసమే ఆయన విదేశాల్లో ట్రీట్మెంట్ తీసుకుంటున్నారని ఇలా ఎన్నో రకాల వార్తలు వచ్చాయి. అయితే ఈ విషయాలపై రానా ఎప్పుడూ స్పందించలేదు. అయితే ఆయన నటించిన ‘అరణ్య’ సినిమా ఫస్ట్ లుక్ రిలీజ్ అయిన సమయంలో.. ఈ సినిమా కోసం రానా బరువు తగ్గించుకున్నారేమోనని అంతా అనుకున్నారు. కానీ రానా తన ఆరోగ్యంపై స్పందించి ఓ చేదు వార్త చెప్పాడు. నటి సమంత ఆహా యాప్ లో ‘సామ్ జామ్’ అనే షోని హోస్ట్ చేస్తోన్న సంగతి తెలిసిందే.
ఈ షోకి సెలబ్రిటీలను తీసుకొచ్చి వారితో రకరకాల టాస్క్ లు చేయిస్తూ ఉంటుంది. తాజాగా ఈ షోకి రానా, దర్శకుడు నాగ్ అశ్విన్ కలిసి వచ్చారు. ఈ సందర్భంగా రానా తన ఆరోగ్యంపై స్పందించాడు. జీవితం వేగంగా ముందుకు వెళ్తున్న సమయంలో సడెన్ గా చిన్న పాజ్ బటన్ వచ్చిందని.. పుట్టినప్పటి నుండి తనకు బీపీ ఉందని.. దీనివలన గుండెకి సమస్య తలెత్తిందని రానా అన్నారు. ఈ క్రమంలో తన కిడ్నీలు పాడవుతాయని.. స్ట్రోక్ హెమరేజ్ కి 70 శాతం, మరణానికి 30 శాతం ఛాన్స్ ఉందని.. డాక్టర్లు చెప్పిన షాకింగ్ విషయాన్ని రానా చెప్పారు. ఈ విషయం చెప్పిన సమయంలో రానా కంటతడి పెట్టుకున్నాడు.
వెంటనే సమంత స్పందిస్తూ.. ‘మీ చుట్టూ జనాలు ఎన్ని రకాలుగా మాట్లాడుకున్నా.. మీరు మాత్రం ఎంతో ధైర్యంగా ఉన్నారు. ఆ సమయంలో నేను మిమ్మల్ని చూశాను.. మీరు నిజంగా సూపర్ హీరో’ అంటూ రానాని కూల్ చేసే ప్రయత్నం చేసింది. ప్రస్తుతం రానా తన సినిమాలతో బిజీగా గడుపుతున్నాడు. అలానే ఓ షో చేయడానికి సిద్ధమవుతున్నాడు.
మిడిల్ క్లాస్ మెలోడీస్ సినిమా రివ్యూ & రేటింగ్!
అనగనగా ఓ అతిధి సినిమా రివ్యూ & రేటింగ్!
రెండు చేతులా సంపాదిస్తున్న 13 హీరోయిన్లు..వీళ్లది మామూలు తెలివి కాదు..!
