నాని (Nani) , రానా (Rana Daggubati) .. ఇద్దరూ మంచి స్నేహితులు. అలాగే ఇద్దరూ టాలీవుడ్లో ఉన్న మోస్ట్ ప్రామిసింగ్ హీరోలు కూడా..! రెగ్యులర్ సినిమాలు చేయడం వీరిద్దరికీ నచ్చదు. ‘అవి చేయడానికి చాలా మంది ఉన్నారు కదా’ అని సింపుల్ గా రెగ్యులర్ ఫార్మేట్ కి దూరంగా ఉండే నటులు వీళ్ళు. కథల ఎంపిక విషయంలో అది క్లియర్ గా తెలుస్తుంది. గతంలో వీరిద్దరూ కలిసి ఓ అవార్డు వేడుకని హోస్ట్ చేశారు. అలాగే పలు టాక్ షోలలో కూడా పాల్గొన్నారు.
అయితే వీరిద్దరూ కలిసి ఓ సినిమాలో నటిస్తే చూడాలని వీళ్ళ అభిమానులు సోషల్ మీడియాలో కామెంట్లు చేస్తున్న సందర్భాలు కూడా మనం చూస్తూనే ఉన్నాం. త్వరలో అది కూడా నెరవేర అవకాశాలు కనిపిస్తున్నాయి. వివరాల్లోకి వెళితే.. శైలేష్ కొలను (Sailesh Kolanu) దర్శకత్వంలో నాని ‘హిట్ 3 ‘ సినిమా చేయబోతున్నాడు. ‘హిట్’ (HIT) ‘హిట్ 2’ (HIT2) చిత్రాలను నానినే నిర్మించి సూపర్ హిట్లు అందుకున్న సంగతి తెలిసిందే.
మూడో పార్ట్ ను కూడా నాని నిర్మించడంతో పాటు అందులో నటిస్తుండటం కూడా ఓ విశేషంగా చెప్పుకోవాలి. ఇక ఇందులో విలన్ గా రానా నటించే అవకాశాలు ఉన్నాయట. కథ ప్రకారం ఈ సినిమాలో విలన్ రోల్ చాలా పవర్ఫుల్ గా, ప్రాముఖ్యత కలిగి ఉంటుందట. అందువల్ల రానా కూడా ఇంప్రెస్ అయ్యి వెంటనే ఓకే చెప్పేసినట్టు సమాచారం. ప్రస్తుతం రజినీకాంత్ (Rajinikanth) సినిమాలో కూడా విలన్ గా నటిస్తున్నాడు రానా.
