రానా చెప్పిన మాటతో ఇరుకున్న ప్రభాస్, నితిన్

బాహుబలి సినిమాతో దేశవ్యాప్తంగా గుర్తింపు తెచ్చుకున్న నటుల్లో దగ్గుబాటి రానా ఒకరు. అతను బాహుబలి తర్వాత ఘాజి సినిమాతో పాటు మరో చిత్రాన్ని పూర్తి చేశారు. ఘాజి అందరి ప్రశంసలు అందుకోగా, తేజ దర్శకత్వంలో రానా హీరోగా నటించిన నేనే రాజు, నేనే మంత్రి మూవీ వచ్చేనెల 11న రిలీజ్ కానుంది. ఈ సినిమా గురించి విశేషాలను వెల్లడించడానికి మీడియా ముందుకు వచ్చిన అతనికి పెళ్లి ఎప్పుడు చేసుకుంటారని ప్రశ్న ఎదురైంది. అందుకు సమాధానం చెప్పకుండా రానా భలే తప్పించున్నారు.

“నా వయసు ఇప్పుడు 33 మాత్రమే. నా కంటే తెలుగు చిత్ర పరిశ్రమలో పెళ్లి కానీ వారున్నారు. ప్రభాస్, నితిన్ పెళ్లి అయిన తర్వాత చేసుకుంటాను” అని ప్రభాస్, నితిన్ ని ఇరికించారు. రానా కంటే ప్రభాస్, నితిన్  వయసు ఎక్కువా ? అని తెలియని వారు ఆశ్చర్యపోతున్నారు. ప్రస్తుతం ప్రభాస్ సాహో సినిమా పనుల్లో బిజీగా ఉండగా, నితిన్ లై సినిమా కోసం కష్టపడుతున్నారు. సినిమాలే లైఫ్ గా భావిస్తున్న వీరిద్దరూ ఎప్పుడు పెళ్ళికి ఓకే అంటారో చూడాలి.

Also, do SUBSCRIBE to our YouTube channel to get latest Tollywood updates.