బాలీవుడ్ స్టార్ హీరో రణబీర్ కపూర్ రీసెంట్ గానే అలియాభట్ ను వివాహం చేసుకున్నారు. పెళ్లి తరువాత ఈ జంట ఎంతమాత్రం గ్యాప్ తీసుకోకుండా షూటింగ్ లో పాల్గొనడానికి రెడీ అయిపోయింది. అలియా తను ఒప్పుకున్న సినిమాలను పూర్తి చేసే పనిలో పడింది. మరోపక్క రణబీర్ ‘యానిమల్’ షూటింగ్ ను మొదలుపెట్టారు. టాలీవుడ్ లో ‘అర్జున్ రెడ్డి’ సినిమాతో క్రేజ్ దక్కించుకున్న దర్శకుడు సందీప్ రెడ్డి వంగా ఈ సినిమాను రూపొందిస్తున్నారు.
ఇందులో హీరోయిన్ గా రష్మికను తీసుకున్నారు. ఇప్పుడు ఈ సినిమా షూటింగ్ మనాలీలో జరుగుతోంది. రణబీర్-రష్మికలపై కొన్ని సన్నివేశాలను చిత్రీకరిస్తున్నారు. అయితే షూటింగ్ స్పాట్ లో వీరిద్దరికీ సంబంధించిన ఓ వీడియో బయటకొచ్చింది. ఇందులో రణబీర్ వైట్ కుర్తా వేసుకొని కనిపించారు. అలానే రష్మిక వైట్ అండ్ రెడ్ కలర్ శారీలో కనిపించింది.
షూటింగ్ పక్కగా వెళ్తోన్న ఓ అభిమాని ఈ వీడియోను చిత్రీకరించి సోషల్ మీడియాలో పోస్ట్ చేయడంతో అది వైరల్ అవుతోంది. నిజానికి ఈ సినిమాలో ముందుగా పరిణితి చోప్రాను హీరోయిన్ గా తీసుకోవాలనుకున్నారు. కానీ ఆయన ‘చమ్కీలా’ అనే సినిమాలో నటిస్తుండంతో డేట్స్ కేటాయించలేనని చెప్పింది. దీంతో మేకర్స్ రష్మికను సంప్రదించారు. ఆమె వెంటనే ఓకే చెప్పేసినట్లు తెలుస్తోంది.
ప్రణయ్ రెడ్డి వంగ (భద్రకాళి పిక్చర్స్) , మురాద్ ఖేతానీ (సినీ 1 స్టూడియో), భూషణ్ కుమార్ & కృష్ణ కుమార్ (టీ-సిరీస్)లు ఈ సినిమాను నిర్మించనున్నారు. ఈ సినిమాలో బాబీ డియోల్, అనిల్ కపూర్ కీలకపాత్రలు పోషిస్తున్నారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి. కుదిరితే ఈ ఏడాదిలోనే సినిమాను రిలీజ్ చేయాలని ప్లాన్. మరేం జరుగుతుందో చూడాలి!
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home
