బాలీవుడ్ నటుడు రణబీర్ కపూర్ రష్మిక మందన్న హీరో హీరోయిన్లుగా సందీప్ రెడ్డి వంగ దర్శకత్వంలో తెరకెక్కిన యానిమల్ సినిమా ద్వారా డిసెంబర్ ఒకటవ తేదీ పాన్ ఇండియా స్థాయిలో ప్రేక్షకుల ముందుకు రాబోతున్నారు. ఈ సినిమా విడుదల తేదీ దగ్గర పడుతున్న నేపథ్యంలో ప్రమోషన్ కార్యక్రమాలను కూడా నిర్వహిస్తున్నారు. ఇందులో భాగంగానే అన్ స్టాపబుల్ కార్యక్రమానికి ముఖ్య అతిథులుగా హాజరైన సంగతి మనకు తెలిసిందే. ఇందులో భాగంగానే బాలయ్య వీరితో కలిసి పెద్ద ఎత్తున సందడి చేశారు.
ఇక రష్మిక నటించిన పుష్ప సినిమా ఏ స్థాయిలో సక్సెస్ అయిందో మనకు తెలిసిందే. ఈ క్రమంలోనే పుష్ప2 సినిమా కూడా ప్రస్తుతం శర వేగంగా షూటింగ్ పనులను జరుపుకుంటుంది. ఈ క్రమంలోనే బాలయ్య పుష్ప 2 స్టోరీ ఏంటి మాకు కాస్త చెప్పు అంటూ ప్రశ్నించారు. అయితే ఈమె మాత్రం ఈ సినిమా స్టోరీ చెప్పడానికి ఇష్టపడలేదు కానీ నటుడు రణబీర్ (Ranbir Kapoor) మాత్రం ఈ సినిమా స్టోరీ మొత్తం లీక్ చేశారు.
పుష్ప సినిమా తమకు ఎంతగానో నచ్చిందని తెలియజేశారు. తాము కూడా సినిమా కోసం ఎదురు చూస్తున్నామని అయితే ఈ సినిమా స్టోరీ ఏమయి ఉంటుంది అనే విషయం గురించి మాట్లాడుతూ ఈ సినిమా సీక్వెల్ గురించి నేను సందీప్ రెడ్డి గారు షూటింగ్ లోకేషన్ లో కూర్చున్నప్పుడు ఎన్నో ఊహించుకొని చర్చలు జరుపుకునే వాళ్ళం. పుష్ప 2 సినిమా ఖచ్చితంగా ఇదే అయి ఉంటుందని ఎన్నో ఊహించుకున్నాము.
ఈ సీక్వెల్ చిత్రంలో శ్రీవల్లి ప్రెగ్నెంట్ గా ఉన్న సమయంలో చనిపోతుందని ఆమె చనిపోవడంతో పుష్పరాజ్ మరింత కసి పెంచుకుంటారని శ్రీవల్లితోపాటు తన స్నేహితుడు అయినటువంటి కేశవ కూడా చనిపోతారని మేము మాకు తోచిన కథను ఊహించుకున్నామంటూ ఈ సందర్భంగా పుష్ప 2 సినిమా లీక్ చేశారు. దీంతో ఈ కామెంట్స్ కాస్త వైరల్ గా మారడంతో ఎంతో మంది అభిమానులు సినిమా కోసం మనం మాత్రమే కాదు ఈ సెలబ్రిటీలు కూడా చాలా ఆత్రుతగా ఎదురు చూస్తున్నారు అంటూ కామెంట్స్ చేస్తున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
