Rao Bahadur Review in Telugu: రావు బహదూర్ సినిమా రివ్యూ & రేటింగ్!

అతడిని ఎంతో ప్రేమగా పెంచుకుంటాడు రామప్ప. కొన్నాళ్లకు రెండో సంతానంగా కుసుమప్ప (మాస్టర్ కిరణ్) జన్మిస్తాడు. అయితే కుసుమప్ప నల్లగా పుడతాడు. దీంతో బంధువులంతా అతని రంగు గురించి అవహేళనగా మాట్లాడుతూ ఉంటారు. ఆ అవమానం తట్టుకోలేని రామప్ప, కుసుమప్పను అసహ్యించుకుంటూ ఉంటాడు. ఆ పిల్లాడు తన కొడుకే కాదనే అనుమానం పెట్టుకుని పైకి చెప్పకుండా భార్యను వేధిస్తూ ఉంటాడు. ఈ అవమానాలు చూసి తట్టుకోలేక కుసుమప్ప ఆత్మహత్య చేసుకుంటాడు.దీంతో భార్య రేణుక రామప్పను అసహ్యించుకుని అతనికి దూరంగా ఒక గదికే పరిమితమైపోతుంది. అప్పటి నుండి రామప్ప మరింత కృంగిపోయి మద్యానికి బానిసవుతాడు. ఈ క్రమంలో కాలేయం (లివర్) పాడైపోయి ఏడాదిలో చనిపోవాల్సిన వాడు, ఏళ్లు గడిచినా చనిపోడు. అందుకు కారణం ఏమిటి? అన్నదే మిగిలిన కథ.

నటీనటుల పనితీరు: సత్యదేవ్ మంచి నటుడు. రామప్ప పాత్రలో చాలా షేడ్స్ ఉంటాయి. వాటన్నిటినీ బ్యాలన్స్ చేస్తూ అద్భుతంగా నటించాడు. అందులో ఎలాంటి సందేహం లేదు. కానీ ప్రమోషన్స్ లో అతన్ని ఏకంగా కమల్ హాసన్ తో పోల్చేశాడు దర్శకుడు. ఆ కామెంట్స్ తో కంపేర్ చేసుకోకుండా చూస్తే సత్యదేవ్ నటనని ఎంజాయ్ చేస్తారు ఆడియన్స్. దీపా థామస్ తెలుగు ఆడియన్స్ కి కొత్త. అయినప్పటికీ తన నటనతో అందరినీ ఆకట్టుకుంటుంది.

ఆమె లుక్స్, ఎక్స్ప్రెషన్స్ అన్నీ బాగున్నాయి. స్నేహితుడి పాత్రలో వికాస్ ముప్పాల కూడా చక్కగా నటించాడు. రామప్ప తండ్రి పాత్రలో కునాల్ కౌశిక్ కనిపించేది కాసేపే అయినా బాగా చేశాడు. సీనియర్ నటుడు ఆనంద్ పాత్ర ఓకే. పనిమనిషి అచ్చమ్మగా కనిపించిన బల పరసర్ కూడా బాగా చేసింది. మాస్టర్ కిరణ్ కి మంచి ఫ్యూచర్ ఉంది. ఈ పిల్లాడు తన నటనతో ఆడియన్స్ ని ఎమోషనల్ అయ్యేలా చేస్తాడు అనడంలో సందేహం లేదు. మిగతా నటీనటులు ఓకే.

సాంకేతిక నిపుణుల పనితీరు: దర్శకుడు వెంకటేష్ మహా దాదాపు 5 ఏళ్ళ పాటు ‘రావు బహదూర్’ స్క్రిప్ట్ పై వర్క్ చేశాడట. ప్రమోషన్స్ లో అయితే ఏకంగా ‘బాహుబలి’ ‘ఆర్ ఆర్ ఆర్’ రేంజ్ ఎక్స్పీరియన్స్ ఇస్తుందని చెప్పాడు. తప్పులేదు దర్శకుడికి తన ప్రాజెక్టుపై ఉండే ప్రేమకి కొలమానం అంటూ ఉండదు. అప్పుడు ‘బాహుబలి’ ఏంటి, ‘ఆర్ఆర్ఆర్’ ఏంటి.. ‘అవతార్’ ‘అవెంజర్స్’ తో కూడా కంపేర్ చేసుకుంటారు. కానీ ఆడియన్స్.. వాటిని యాక్సెప్ట్ చేయాలంటే సినిమా ఆ రేంజ్ ఎక్స్పీరియన్స్ కచ్చితంగా ఇవ్వాలి. మరి అలాంటి అనుభవాన్ని ‘రావు బహదూర్’ ప్రేక్షకులకి అందించేలా ఉందా? అంటే..అవునని చెప్పలేని పరిస్థితి.

సినిమా ఫస్ట్ హాఫ్ చాలా స్లోగా ఉంది. ఆ స్లో నెరేషన్ కి ప్రేక్షకులు నిద్రపోయినా ఆశ్చర్యపోనవసరం లేదు. 4 సీన్లలో చెప్పాల్సిన విషయాన్ని దర్శకుడు వెంకటేష్ మహా 40 సీన్లు తీసుకున్నాడా? అనిపిస్తుంది. ఎక్కడా కథనం వేగం పుంజుకోదు. అయితే సెకండాఫ్ కొంచెం బెటర్. అలా అని అద్భుతం అనడానికి లేదు. ఫస్ట్ హాఫ్ తో పోలిస్తే సెకండాఫ్లో కొంచెం కథలో డెప్త్ ఉంటుంది. దర్శకుడు వెంకటేష్ మహా గత 2 సినిమాల్లోనూ మంచి హ్యూమన్ వాల్యూస్ ఉంటాయి. ‘రావు బహదూర్’ తో కూడా దానిని కంటిన్యూ చేసే ప్రయత్నం చేశాడు. మిగతా టెక్నికల్ టీమ్ గురించి చెప్పుకోవాలంటే మ్యూజిక్ డైరెక్టర్ స్మరన్ వర్క్ బాగుంది. రెండు పాటలు వినడానికి బాగున్నాయి. తన బ్యాక్ గ్రౌండ్ స్కోర్ తో కూడా ఆడియన్స్ ని అలర్ట్ అయ్యేలా చేశాడు. సినిమాటోగ్రఫీ కూడా బాగానే ఉంది. కానీ ఎందుకో లాంగ్ షార్ట్స్ ఎక్కువగా పెట్టాడు. అది దర్శకుడి ఇంట్రెస్ట్ అనుకుంట. కథ మొత్తం ఒక్కటే ప్యాలెస్లో చుట్టేశారు. నిర్మాణ విలువలు కథకి తగ్గట్టు ఉన్నాయి.

విశ్లేషణ: సైకలాజికల్ థ్రిల్లర్స్ మన తెలుగులో వర్కౌట్ అయిన సందర్భాలు లేవు. అయినప్పటికీ ‘రావు బహదూర్’ తో దర్శకుడు వెంకటేష్ మహా అలాంటి ప్రయోగమే చేశాడు. ఎంత ఓపెన్ మైండ్..తో థియేటర్ కి వచ్చినా… ఇంత స్లో నెరేషన్ వంటకం ఆడియన్ కి రుచించకపోవచ్చు.

ఫోకస్ పాయింట్: బోరింగ్ సైకలాజికల్ డ్రామా

రేటింగ్: 2.25/5