“గాల్లో తేలినట్టుందే.. గుండె పేలినట్టుందే..” అని పాడుకుంటూ చాలా సంతోషంగా ఉంది యాంకర్ రష్మీ. పదేళ్ల క్రితమే సినీ పరిశ్రమలోకి అడుగు పెట్టిన ఈమె లాస్ట్ ఇయర్ ఫామ్లోకి వచ్చింది. జబర్దస్త్ షో ద్వారా యూత్ ని పిచ్చెక్కించిన ఈ భామ, హీరోయిన్ గా అందాలను ఆరబోసింది. గుంటూరు టాకీస్, అంతం, తను వచ్చేనంట చిత్రాల్లో కథానాయిక హీట్ రేపిన సుందరి తాజాగా సూపర్ స్టార్ మహేష్ బాబు సినిమాలో ఛాన్స్ కొట్టేసింది. ఈ విషయాన్నీ డైరక్టర్ ఏఆర్ మురుగదాస్ ఎవరికీ చెప్పవద్దని ఆజ్ఞ వేయడంతో ఒక్కతే ఆనందంలో మునిగితేలుతోంది.
ప్రిన్స్, మురుగదాస్ కాంబినేషన్లో వస్తోన్న యాక్షన్ థ్రిల్లర్ మూవీలో రష్మీ ఓ కీలక రోల్ పోషిస్తోందంట. స్టార్ హీరో సినిమాలో తొలి సారి నటించడమే కాకుండా, ఆ చిత్రం తెలుగు, తమిళంలో విడుదల అవుతుండడం యాంకర్ కి కాలు భూమిమీద నిలవడం లేదు. ఈ చిత్రం తన సినీ కెరీర్ కి బూస్ట్ ఇస్తుందని స్నేహితురాళ్లతో రష్మీ చెప్పుకుని మురిసిపోయిందని సమాచారం. వంద కోట్ల బడ్జెట్ తో ఎన్.వి.ప్రసాద్, ఠాగూర్ మధు సంయుక్తంగా నిర్మిస్తున్న ఈ మూవీ ప్రస్తుతం అహ్మదాబాద్ లో షూటింగ్ జరుపుకుంటోంది. ఇందులో సూపర్ స్టార్ సరసన ఫిట్ నెస్ బ్యూటీ రకుల్ ప్రీత్ సింగ్ నటిస్తోంది. ఈ మూవీని వేసవికి రిలీజ్ చేయాలనీ భావిస్తున్నారు.
Also, do SUBSCRIBE to our YouTube channel to get latest Tollywood updates.
