బాలకృష్ణకు కోపమెక్కువ, రవితేజకు చిరాకెక్కువ… ఆ హీరోల అభిమానులకు, వారితో నటించిన నటీనటులకు ఈ విషయం బాగా తెలుసు. కోపమొచ్చినా, చిరాకొచ్చినా ఈ ఇద్దరూ కంట్రోల్‌ తప్పుతారనే విషయం కూడా తెలుసు. అయితే ఆ విషయాన్ని ఏదో ఘనతలా చెప్పుకుంటే… చాలా చిరాకేస్తుంది కదా. అలాంటి పనే మరోసారి చేశారు ఈ ఇద్దరు స్టార్ ‘హీరోలు’. బాలకృష్ణ హోస్ట్‌ చేస్తున్న ‘అన్‌స్టాపబుల్‌’ టాక్‌ షోకి రవితేజ వచ్చిన విషయం తెలిసిందే. ఈ సందర్భంగా బూతులు, దెబ్బలు విషయం చర్చకు వచ్చింది.
బాలయ్య హాజరయ్యే బహిరంగ సభల్లో, ప్రైవేటు కార్యక్రమాలను ఫాలో అయ్యేవాళ్లకు ఆయన కోపమంటే ఏంటో తెలుస్తుంది. తన దగ్గరకు వచ్చి ఫొటోలు దిగాలి అనుకునేవాళ్లు, ఏదో మాట్లాడుదాం అనుకునేవాళ్లకు బాలయ్య ఒక్కోసారి ఓకే అంటారు. కానీ ఒక్కోసారి ఏమవుతుందో తెలియదు కానీ… చెయ్యి సర్రున లేస్తుంది. దెబ్బ పంజా లెక్కన పడిపోతుంది. ఇదంతా మనకు బయట కనిపించేది. మరి సినిమా సెట్లో ఇలాంటి పరిస్థితే వస్తే… అక్కడా అలానే పడతాయట. దీనికి తిట్లు యాడ్‌ ఆన్‌. ఈ విషయం బాలయ్యే చెప్పుకొచ్చారు.
ఇక రవితేజ సంగతి చూసుకుంటే… కోపమొస్తే నోటి నిండా బూతులే ఉంటాయంటారు. సినిమా షూటింగ్‌ అవ్వని, బయట అవ్వని ఎక్కడైనా చిరాకు, కోపం వస్తే నోటి నుండి అలా బూతులు జాలువారుతుంటాయట. ఈ విషయం ఆయనే చెప్పాడు. ఓకే తమ గురించి తాము చెప్పుకోవడం ఓకే. కానీ మేం తిడుతుంటే… ఫ్యాన్స్, చుట్టుపక్కలవాళ్లు ‘తిట్టండి తిట్టండి’ అని అంటున్నారు అని చెప్పడం ఎంతవరకు కరెక్ట్‌. అలాగే ‘కొడుతుంటే.. కొట్టండి బాబూ కొట్టండి’ అని ఫ్యాన్స్ అంటున్నారు అని చెప్పడం ఎంతవరకు కరెక్ట్‌.
ఏమన్నా ఈ విషయాల గురించి ఏదైనా వెబ్‌సైట్‌లో రాస్తే, సోషల్‌ మీడియాలో మాట్లాడితే… ‘పనీ పాటా లేని డ్యాష్‌ నా డ్యాష్‌ గాళ్లు’ అంటూ ఓ జోక్‌ టైప్‌ సెటైర్‌ వేస్తుంటారు. చేసిన పనులను, జరిగాయి అంటున్న విషయాలను మాత్రమే కదా రాసేది. అలా రాస్తే రాశాం అంటున్నారు. పోనీ జరగలేదా అంటే మేం తిడితే తిట్టమంటున్నారు, కొడితే కొట్టమంటున్నారు అని గొప్పగా చెప్పుకుంటున్నారు. ఏంటో మరి ఫ్యాన్స్ వీళ్లకు ఆటవస్తువుల్లా కనిపిస్తున్నారా? ఇదంతా ఎందుకు మా ఫేవరెట్‌ హీరో మా ఇష్టం అంటారా. అయితే వాక్కే.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
