Ravi Teja: ఆ డైరెక్టర్ ట్వీట్ గురించి ఫన్నీగా రియాక్ట్ అయిన రవితేజ.. ఏం జరిగిందంటే?

రవితేజ (Ravi Teja) హరీష్ శంకర్ (Harish Shankar) కాంబినేషన్ లో ఇప్పటివరకు రెండు సినిమాలు తెరకెక్కగా ఆ సినిమాలలో షాక్ (Shock) సినిమా ఫ్లాపైతే మిరపకాయ్ (Mirapakay) సినిమా హిట్ గా నిలిచింది. ఈ కాంబినేషన్ లో భారీ బడ్జెట్ తో మిస్టర్ బచ్చన్ (Mr. Bachchan) టైటిల్ తో మరో సినిమా తెరకెక్కుతున్న సంగతి తెలిసిందే. ఈ సినిమా షూటింగ్ శరవేగంగా జరుగుతుండగా ఈ సినిమా ఈ ఏడాదే రిలీజ్ కానుందని వార్తలు వినిపిస్తుండటం గమనార్హం. రవితేజ అందరితో సరదాగా ఉండటానికి ఇష్టపడతారనే సంగతి తెలిసిందే.

హరీష్ శంకర్ తాజాగా సోషల్ మీడియాలో ఒక పోస్ట్ పెట్టగా ఆ పోస్ట్ వైరల్ అయింది. “ప్రపంచంలో అందరికీ వయసొస్తోంది.. అన్నయ్యకు తప్ప కాశ్మీర్ వ్యాలీలో మిస్టర్ బచ్చన్ షూటింగ్ జరుగుతోంది.. త్వరలోనే హైదరాబాద్ లో దిగుతాము” అంటూ ఆయన పోస్ట్ పెట్టారు. ఈ పోస్ట్ తన దృష్టికి రావడంతో రవితేజ రియాక్ట్ అయ్యారు. హరీష్ శంకర్ పోస్ట్ పెట్టిన పది నిమిషాల్లోనే రవితేజ రియాక్ట్ అవుతూ “ఓవర్ చేయకు రోయ్.. నీ దిష్టి తగిలేలా ఉంది” అని చెప్పుకొచ్చారు.

రవితేజ రిప్లై ప్రస్తుతం సోషల్ మీడియా వేదికగా వైరల్ అవుతోంది. రవితేజ పారితోషికం భారీ రేంజ్ లో ఉండగా రవితేజ గత సినిమా ఈగల్ బాక్సాఫీస్ వద్ద ఆశించిన రేంజ్ లో హిట్ కాలేదు. మిస్టర్ బచ్చన్ సినిమా పీపుల్స్ మీడియా బ్యానర్ పై భారీ బడ్జెట్ తో తెరకెక్కుతోంది. త్వరలో ఈ సినిమాకు సంబంధించి షాకింగ్ అప్ డేట్స్ వచ్చే అవకాశాలు అయితే ఉన్నాయి.

మిస్టర్ బచ్చన్ సినిమా బాక్సాఫీస్ ను షేక్ చేయడం ఖాయమని కామెంట్లు వినిపిస్తున్నాయి. హరీష్ శంకర్ తన సినిమాల స్క్రిప్ట్స్ విషయంలో ఎన్నో జాగ్రత్తలు తీసుకుంటున్నారు. ఈ సినిమాతో అటు రవితేజ ఇటు హరీష్ శంకర్ కెరీర్ బిగ్గెస్ట్ హిట్ అందుకోవాలని అభిమానులు కోరుకుంటున్నారు.

Over cheyaku roiiiii ..
Nee dishtey tagilela undhi..!! https://t.co/Rr57r1APYP

— Ravi Teja (@RaviTeja_offl) June 23, 2024