రాక్షసుడు సినిమాతో బ్లాక్ బస్టర్ హిట్ సాధించిన రమేష్ వర్మ డైరెక్షన్ లో తెరకెక్కిన ఖిలాడీ సినిమా ఈ నెల 11వ తేదీన థియేటర్లలో రిలీజ్ కానున్న సంగతి తెలిసిందే. గతేడాది మే నెలలోనే ఈ సినిమా రిలీజ్ కావాల్సి ఉన్నా ఆ సమయంలో కరోనా కేసులు పెరగడంతో ఈ సినిమా రిలీజ్ వాయిదా పడింది. 60 కోట్ల రూపాయలకు పైగా భారీ బడ్జెట్ తో తెరకెక్కిన ఖిలాడీ ఏపీలో పెద్ద సినిమాల విడుదలకు అనుకూల పరిస్థితులు లేకపోయినా థియేటర్లలో రిలీజవుతుండటం గమనార్హం.
ఈ సినిమాలో డింపుల్ హయాతి, మీనాక్షి చౌదరి హిరోయిన్లుగా నటించారు. అయితే ఈ సినిమాలో లిప్ లాక్ సీన్ కూడా ఉందని ఆ సీన్ సినిమాకు హైలెట్ గా నిలిచే విధంగా ఉండనుందని సమాచారం అందుతోంది. లిప్ లాక్ సీన్ల వల్ల యువతకు సినిమాలు నచ్చుతున్న నేపథ్యంలో రవితేజ లిప్ లాక్ సీన్ కు ఓకే చెప్పి ఉండవచ్చని ప్రచారం జరుగుతోంది. అయితే ఏ హీరోయిన్ తో రవితేజ లిప్ లాక్ చేశారనే విషయం తెలియాల్సి ఉంది.
దర్శకుడు రమేష్ వర్మ ప్రేక్షకులకు నచ్చే మాస్ మసాలా అంశాలు పుష్కలంగా ఉండే విధంగా ఖిలాడీ సినిమా విషయంలో జాగ్రత్తలు తీసుకుంటున్నారని తెలుస్తోంది. మరోవైపు ఖిలాడీ రిలీజ్ డేట్ మారనుందని ఈ నెల 18వ తేదీన థియేటర్లలో రిలీజయ్యే అవకాశం ఉందని ప్రచారం జరుగుతుండగా మేకర్స్ ఈ వార్తల గురించి స్పందించి క్లారిటీ ఇవ్వాల్సి ఉంది. ఈ సినిమాకు రికార్డు స్థాయిలో బిజినెస్ జరిగిందని సమాచారం. ఖిలాడీకి పోటీనిచ్చే సినిమాలేవీ థియేటర్లలో లేకపోవడంతో ఈ సినిమాకు రికార్డు స్థాయిలో థియేటర్లు దక్కుతున్నాయని సమాచారం అందుతోంది.
మరోవైపు రవితేజ వరుస ప్రాజెక్టులతో కెరీర్ ను చక్కగా ప్లాన్ చేసుకుంటున్నారు. ప్రస్తుతం రవితేజ ఒక్కో సినిమాకు 18 కోట్ల రూపాయలకు అటూఇటుగా రెమ్యునరేషన్ తీసుకుంటున్నారు. క్రాక్ సక్సెస్ తర్వాత రవితేజ రెమ్యునరేషన్ ఊహించని స్థాయిలో పెరిగిన సంగతి తెలిసిందే. ఖిలాడీ సినిమాలో లిప్ లాక్ సీన్ మాత్రమే కాకుండా ఎన్నో సర్ప్రైజ్ లు ఉన్నాయని సమాచారం అందుతోంది.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home