RC15.. ఆన్లైన్ లో ఫుటేజ్ షేర్ చేస్తే ఇక అంతే..!

ఈ మధ్యకాలంలో సినిమా షూటింగ్స్ జరుగుతున్న సమయంలో కొన్ని వీడియోలను, ఫొటోలను తీస్తూ.. వాటిని సోషల్ మీడియాలో షేర్ చేస్తున్నారు జనాలు. టెక్నాలజీ పెరిగిపోవడంతో ప్రతి ఒక్కరి దగ్గర స్మార్ట్ ఫోన్ ఉంటుంది. దీంతో పలు భారీ బడ్జెట్ సినిమాల లొకేషన్ స్టిల్స్, వీడియోలు సోషల్ మీడియా వేదికగా లీక్ అవుతున్నాయి. ‘ఆర్ఆర్ఆర్’, ‘వకీల్ సాబ్’, ‘సర్కారు వారి పాట’ ఇలా చాలా సినిమాల్లో పాటలు, స్టిల్స్ ముందే బయటకొచ్చేశాయి.

Click Here To Watch

ఈ క్రమంలో ఇన్ డోర్, అవుట్ డోర్ షూటింగ్ కి సంబంధించి మరిన్ని జాగ్రత్తలు తీసుకోబోతున్నారు. ఈ మేరకు శ్రీ వెంకటేశ్వర క్రియేషన్స్ అధికారిక ట్విట్టర్ ఖాతా ద్వారా లీకేజ్ రాయుళ్లకు స్ట్రాంగ్ వార్నింగ్ ఇచ్చారు దిల్ రాజు. రామ్ చరణ్ హీరోగా.. శంకర్ దర్శకత్వంలో దిల్ రాజు ఓ సినిమా రూపొందించనున్న సంగతి తెలిసిందే. RC15 అనే వర్కింగ్ టైటిల్ తో సినిమాను తెరకెక్కిస్తున్నారు. రీసెంట్ గానే ఈ సినిమా షూటింగ్ రాజమండ్రిలో మొదలైంది.

బహిరంగ ప్రదేశాల్లో ఈ షూటింగ్ జరుగుతున్న నేపథ్యంలో అలర్ట్ అయ్యారు దిల్ రాజు. లీకుల బెడద ఉండకూడదని ముందే ఓ వార్నింగ్ ఇస్తూ ప్రకటన జారీ చేశారు. #RC15 #SVC50 సినిమా షూటింగ్ అవసరాలకు అనుగుణంగా బహిరంగ ప్రదేశాల్లో జరుగుతోందని, దీన్ని ఆసరాగా తీసుకొని చట్ట విరుద్ధంగా తీసిన షూటింగ్ లొకేషన్ వీడియోలను సోషల్ మీడియాలో షేర్ చేయొద్దని అభ్యర్థిస్తూ పోస్ట్ పెట్టారు. ఒకవేళ లీకులు జరిగితే అనధికారిక కంటెంట్ పోస్ట్ చేసిన ఆ ఐడీలపై యాంటీ పైరసీ టీమ్ చర్య తీసుకుంటుందని పేర్కొన్నారు.

ఇప్పుడు ఈ పోస్ట్ వైరల్ అవుతోంది. ఇక ఈ సినిమాలో కియారా అద్వానీ హీరోయిన్ గా నటిస్తుండగా.. తమన్ మ్యూజిక్ అందిస్తున్నారు. సునీల్, అంజలి లాంటి తారలు కీలకపాత్రలు పోషిస్తున్నారు.

భామా కలాపం సినిమా రివ్యూ & రేటింగ్!

Most Recommended Video

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!