‘ఆర్.ఆర్.ఆర్’ విడుదలై విజయవంతంగా 4 వారాలు పూర్తయింది.5వ వారంలోకి ఎంట్రీ ఇచ్చింది. కొత్త సినిమాల ఎంట్రీ ఇచ్చినా బాక్సాఫీస్ వద్ద ‘ఆర్.ఆర్.ఆర్’ హవా కొనసాగుతూనే ఉంది. ‘బీస్ట్’ మూవీ ప్లాప్ అవ్వడం ‘ఆర్.ఆర్.ఆర్’ కు బాగా కలిసొచ్చింది.మరో పక్క ‘కె.జి.ఎఫ్ 2’ కూడా స్ట్రాంగ్ రన్ కొనసాగిస్తున్నా ‘ఆర్.ఆర్.ఆర్’ పై ఎఫెక్ట్ పడలేదు. ఈ వీకెండ్ కు కూడా పెద్ద సినిమాలు కనీసం బజ్ ఉన్న సినిమాలు లేకపోవడం మరింత కలిసొచ్చే అంశం.
తెలుగు రాష్ట్రాల్లో ఆల్రెడీ ‘బాహుబలి 2’ కలెక్షన్లను అధిగమించి ఇండస్ట్రీ హిట్ గా నిలిచిన ‘ఆర్.ఆర్.ఆర్’… మిగిలిన వెర్షన్ల విషయంలో ‘బాహుబలి'(సిరీస్) కలెక్షన్లను అధిగమించే అవకాశాలు కనిపించడం లేదు. కానీ ఫర్వాలేదనిపిస్తుంది.
ఒకసారి ‘ఆర్.ఆర్.ఆర్’ 29 డేస్ కలెక్షన్స్ ని గమనిస్తే :
| నైజాం | 110.37 cr |
| సీడెడ్ | 49.84 cr |
| ఉత్తరాంధ్ర | 32.47 cr |
| ఈస్ట్ | 16.01 cr |
| వెస్ట్ | 12.95 cr |
| గుంటూరు | 17.88 cr |
| కృష్ణా | 14.37 cr |
| నెల్లూరు | 09.17 cr |
| ఏపీ + తెలంగాణ (టోటల్) | 263.06 cr |
| తమిళనాడు | 37.64 cr |
| కేరళ | 10.45 cr |
| కర్ణాటక | 42.98 cr |
| హిందీ | 128.75 cr |
| ఓవర్సీస్ | 99.70 cr |
| రెస్ట్ | 10 cr |
| టోటల్ వరల్డ్ వైడ్ | 592.58 cr (అన్ని వెర్షన్లు కలుపుకుని) |
‘ఆర్.ఆర్.ఆర్’ చిత్రానికి తెలుగుతో పాటు అన్ని వెర్షన్లు కలుపుకుని రూ.492 కోట్లు థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ కావాలి అంటే రూ.500 కోట్ల వరకు షేర్ ను రాబట్టాలి.ఆల్రెడీ బ్రేక్ ఈవెన్ సాధించిన ఈ చిత్రం 29 రోజులు పూర్తయ్యేసరికి రూ.592.58 కోట్ల భారీ షేర్ ను రాబట్టింది.గ్రాస్ పరంగా చూసుకుంటే రూ.1100 కోట్లను కొల్లగొట్టింది. తెలుగు వెర్షన్ పరంగా ఈ మూవీ ఇండస్ట్రీ హిట్. మిగిలిన వెర్షన్ లలో బ్రేక్ ఈవెన్ సాధిస్తుంది.. లాభాలు తెచ్చిపెడుతుంది. కానీ రికార్డులు క్రియేట్ చేయడం కష్టమనే చెప్పాలి.
‘బాహుబలి2’ ఓవరాల్ కలెక్షన్లను ‘ఆర్.ఆర్.ఆర్’ అధిగమించడం కష్టంగానే కనిపిస్తుంది. ‘బాహుబలి 2’ ఫుల్ రన్లో రూ.814 కోట్ల పైనే షేర్ ను రాబట్టి.. రూ.1783 కోట్ల వరకు గ్రాస్ ను కొల్లగొట్టింది. అయితే ‘ఆర్.ఆర్.ఆర్’ చిత్రం త్వరలో చైనాలో కూడా విడుదల కాబోతుంది. అక్కడ కనుక హిట్ అయితే మరింతగా కలెక్ట్ చేసే అవకాశాలు ఉన్నాయి. అంతేకాకుండా తెలుగు రాష్ట్రాల్లో ఈ వీకెండ్ కూడా క్యాష్ చేసుకునే అవకాశం ఉంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
