RRR OTT: ఆర్ఆర్ఆర్ ఓటీటీ ట్రైలర్ చూశారా.. అభిమానులను తెగ ఆకట్టుకుంటుందిగా!

దర్శక ధీరుడు ఎస్ ఎస్ రాజమౌళి దర్శకత్వంలో ఎంతో ప్రతిష్టాత్మకంగా అత్యంత భారీ బడ్జెట్ తో పాన్ ఇండియా స్థాయిలో తెరకెక్కిన చిత్రం RRR. ఈ సినిమా కోసం గత నాలుగు సంవత్సరాల నుంచి మెగా నందమూరి అభిమానులు ఎంతో ఆతృతగా ఎదురు చూశారు.ఈ క్రమంలోనే ఈ సినిమా పలుసార్లు వాయిదా పడుతూ మార్చి 25 వ తేదీ ప్రేక్షకుల ముందుకు వచ్చింది. ఎన్నో అంచనాల నడుమ విడుదలైన ఈ సినిమా బాక్సాఫీస్ వద్ద అద్భుతమైన కలెక్షన్లను రాబట్టింది.

ఇలా ప్రపంచ వ్యాప్తంగా ఈ సినిమా 1000 కోట్ల కలెక్షన్లను రాబట్టి సరికొత్త రికార్డులను సృష్టించింది. ఇకపోతే థియేటర్ లో విడుదలైన ఈ సినిమా భారీ విజయాన్ని సొంతం చేసుకోగా తాజాగా ఈ సినిమా ఓటీటీలో విడుదలకు సిద్ధమైంది. సాధారణంగా ఒక సినిమా థియేటర్ లో విడుదలైన తర్వాత ఆరు వారాలకు ఓటీటీలో విడుదల కావడం సర్వసాధారణం. అయితే ఈ సినిమా మరి కాస్త ఆలస్యంగా జూన్ మొదటి వారంలో విడుదల అవుతుందని భావించగా, అనుకున్న దాని కన్నా ముందుగానే మే 20వ తేదీ ఈ సినిమా జీ 5 ద్వారా విడుదల కాబోతుంది

ఇక ఈ సినిమా అన్ని భాషల ఓటీటీ హక్కులను జీ5 సొంతం చేసుకుంది. ఈ క్రమంలోనే హిందీలో మినహా ఈ సినిమాని అన్ని భాషల లో మే 20వ తేదీన విడుదల చేయడానికి సిద్ధమయ్యారు. ఈ క్రమంలోనే పెద్దఎత్తున ప్రమోషన్ కార్యక్రమాలను నిర్వహిస్తున్నారు. తాజాగా జీ5 ఈ సినిమాకు సంబంధించిన ట్రైలర్ విడుదల చేశారు. ప్రస్తుతం ఈ ట్రైలర్ వీడియో సోషల్ మీడియాలో వైరల్ గా మారింది.

ఈ ట్రైలర్ వీడియోలో భాగంగా ప్రతి ఒక్కరి పాత్రపై ఆసక్తిని రేపుతూ ఎంతో అద్భుతంగా కట్ చేసి విడుదల చేశారు. ప్రస్తుతం ఈ ట్రైలర్ వీడియో సోషల్ మీడియాలో వైరల్ గా మారింది. థియేటర్ లో భారీ కలెక్షన్లను రాబట్టి అద్భుతమైన విజయాన్ని సొంతం చేసుకున్న ఈ సినిమా ఓటీటీలో ఎలాంటి విజయాన్ని అందుకుంటుందో తెలియాల్సి ఉంది.

సర్కారు వారి పాట సినిమా రివ్యూ & రేటింగ్!

10 ఏళ్ళ ‘గబ్బర్ సింగ్’ గురించి 12 ఆసక్తికరమైన విషయాలు..!
‘చెల్లమ్మ’ టు ‘మ మ మహేషా’.. జోనిత గాంధీ పాడిన 10 సూపర్ హిట్ పాటల లిస్ట్..!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు..!