ప్రభాస్, రామ్ చరణ్ పైన ఆసక్తికర కామెంట్స్ చేసిన ఆర్ ఎక్స్ 100 హీరో!

ఆర్ ఎక్స్ 100 సినిమాతో తెలుగు ప్రేక్షకులకి పరిచయమై మంచి విజయాన్ని సాధించి యూత్ లో క్రేజ్ తెచ్చుకున్న యువహీరో కార్తికేయ. మొదటి సినిమాతోనే మంచి నటన కనబరిచిన ఈ యువ హీరో ఇటీవలే ఆయన అభిమానులతో మాట్లాడటం కోసం లైవ్ చాట్ చేసాడు. ఆ లైవ్ చాట్ లో కొందరు రామ్ చరణ్, ప్రభాస్, విజయదేవరకొండ హీరోలను చూసి మీరు ఏం నేర్చుకున్నారని అడుగగా వాటికీ ఆసక్తికర సమాధానాలను ఇచ్చాడు.

ప్రభాస్ ని చూడగానే ఆ హైట్, పర్సనాలిటీ చూసి ఏమన్నా ఉన్నాడా అనిపిస్తుంది. అంతా పెద్ద హీరో బాహుబలి సినిమా కోసం అన్ని సంవత్సరాలు ఎంతో కష్టపడి పనిచేసాడు. అందరితో హ్యాపీ గా ఉంటూ ఆయన పని ఆయన చేసుకుంటాడు. ఎంత ఎదిగిన ఒదిగి ఉండే లక్షణం ప్రభాస్ లో నాకు బాగా నచ్చుతుంది అని చెప్పాడు. ఇక రామ్ చరణ్ గురించి ఒక అభిమాని అడుగగా, మెగాస్టార్ కొడుకు అయినప్పటికీ వర్క్ విషయంలో ఎంతో హార్డ్ వర్క్ చేసి బాగా కష్టపడుతుంటాడు. అంతటి మెగాస్టార్ కొడుకే అలా కష్టపడుతుంటే మనం ఇంకెంత కష్టపడాలి అనిపిస్తూ ఉంటుందని, చరణ్ డ్యాన్స్ అంటే నాకు చాలా ఇష్టం అని చెప్పాడు. ఇక విజయ్ దేవరకొండ గురించి చెబుతూ తలుచుకుంటే ఏదైనా సాధ్యమే, ఎక్కడి నుండి ఎక్కడికైనా వెళ్లొచ్చు, ఇదే ఆయనకి అంతమంది అభిమానులని తెచ్చిపెట్టిందని లైవ్ లో అభిమానులు అడిగిన ప్రశ్నలకి చాలా కూల్ గా సమాదానాలు ఇచ్చాడు.