కొందరు బాగుందన్నారు, కొందరు బాలేదన్నారు, కొందరు కనెక్ట్ అయ్యాం అన్నారు, కొందరు ఎమోషన్ లేదు అన్నారు.. ఇలా ఎవరేమన్నా సినిమా మాత్రం నాలుగు రోజుల్లో అయిదు కోట్ల రూపాయల గ్రాస్ కలెక్ట్ చేసి విశ్లేషకులను, విమర్శకులను ఆశ్చర్యానికి గురి చేసిన చిత్రం “ఆర్ ఎక్స్ 100”. వర్మ శిష్యుడు అజయ్ భూపతి తెరకెక్కించిన ఈ చిత్రం గత గురువారం విడుదలై మాస్ & యూత్ ఆడియన్స్ ను ఆకట్టుకొంటూ బాక్సాఫీస్ వద్ద హల్ చల్ చేస్తోంది. ఈ సినిమా సాధించిన అఖండ విజయమిప్పుడు దర్శకుడు అజయ్ భూపతికి వరుస ఆఫర్లు తెచ్చిపెడుతున్నాయి.
ఆల్రెడీ భవ్య క్రియేషన్స్ సంస్థ అజయ్ భూపతికి అడ్వాన్స్ రూపంలో భారీ మొత్తం ఇచ్చిందని, జెమిని కిరణ్ కూడా అజయ్ దర్శకత్వంలో ఒక సినిమా తెరకెక్కించేందుకు సమాయత్తమవుతున్నాడని సమాచారం. అన్నిటికీ మించి రామ్ చరణ్ “ఆర్ ఎక్స్ 100” సాధిస్తున్న విజయానికి ఎగ్జైట్ అయ్యి.. మంచి కథ ఉంటే అజయ్ భూపతి దర్శకత్వంలో నటిస్తానని చెప్పడం విశేషం. బోయపాటి సినిమా ఎలాగూ పూర్తికావచ్చింది, అనంతరం మొదలవ్వాల్సిన రాజమౌళి చిత్రానికి ఇంకా టైమ్ పట్టేలా ఉండడంతో.. ఈ గ్యాప్ లో అజయ్ భూపతి దర్శకత్వంలో ఒక సినిమా చేయాలని ఫిక్స్ అయ్యాడట చరణ్. మరి ఈ ప్రొజెక్ట్ ఎంతవరకూ మెటీరియలైజ్ అవుతుందో చూడాలి.
Home