శభాష్ నాయుడు ఫస్ట్ షెడ్యూల్ కంప్లీట్

విశ్వనటుడు కమల్ హాసన్ పది పాత్రల్లో పరకాయ ప్రవేశం చేసిన సినిమా దశావతారం. అందులో బలరాం నాయుడు పాత్ర అందరికి చాలా బాగా నచ్చింది. అందుకే ఆ పాత్రతో ఈ సారి “శభాష్ నాయుడు” అనే పూర్తి చిత్రాన్నిరూపొందిస్తున్నారు. రాజ్ కమల్ ఇంటర్నేషనల్ ఫిల్మ్స్, లైకా ప్రొడక్షన్ సంయుక్తంగా నిర్మిస్తున్న ఈ సినిమాను ఏక కాలంలో తెలుగు, తమిళ్, హిందీ భాషల్లో తెరకెక్కిస్తున్నారు. ఈ మూవీ కి మొదట రాజీవ్ కుమార్ దర్శకత్వం వహించారు. కొన్ని కారణాల వల్ల ఆయన తప్పుకున్నారు. ప్రస్తుతం కమల్ దర్శకత్వ బాధ్యతలు చేపట్టారు.

అతని వద్ద  రెండో కూతురు అక్షర హాసన్ సహాయ దర్శకురాలిగా ఈ చిత్రానికి పనిచేస్తోంది. తెర పైన కమల్ కు భార్యగా రమ్యకృష్ణ నటిస్తుండగా, కుమార్తె పాత్రను శృతి హాసన్ పోషిస్తోంది. తండ్రి కూతుళ్లు కలిసి తెరపైన కనిపించడం ఇదే తొలిసారి. ఇందులో బ్రహ్మానందం అప్పారావు పాత్రలో నవ్వులు పూయించనున్నారు. లాస్ ఏంజిల్స్ లో మొదటి షెడ్యూల్ పూర్తికావడంతో “శభాష్ నాయుడు” చిత్ర యూనిట్ ఆదివారం పార్టీ చేసుకుంది. ఆ పార్టీకి సంబంధించిన ఓ ఫోటోని కమల్ ట్విట్టర్ లో పోస్ట్ చేశారు. అందులో కమల్, రమ్యకృష్ణ, శృతి, అక్షర హాసన్ లతో పాటు, ఇతర టెక్నీషియన్లు ఉన్నారు.

Wrap party for @KunduNaiduRaw in LA @shrutihaasan @AksharaHaasan1 pic.twitter.com/0oG3vlfgMr

— Kamal Haasan (@ikamalhaasan) June 26, 2016