Sahaa Review in Telugu: సహ సినిమా రివ్యూ & రేటింగ్!

దీంతో సహా అతని ప్రేమలో పడుతుంది. తర్వాత సహా (Sahaa) ఇంజనీరింగ్ కాలేజీలో జాయిన్ అవుతుంది. ఆమె కోసం ఫేక్ ఐడీ కార్డు చేయించుకుని ఆమె కాలేజీకి వెళ్ళి సహాని కలుస్తుంటాడు సంజు. ఒక రోజు విషయం కాలేజీ ప్రిన్సిపాల్ కి, అలాగే సీనియర్స్ కి తెలిసిపోతుంది. దీంతో సంజుని పోలీసులకి అప్పగించే రేంజ్..కి వెళ్తుంది వ్యవహారం. కానీ సహా అడ్డుకోవడం ఆ తర్వాత ఇద్దరూ రిజిస్టర్ మ్యారేజ్ చేసుకోవడం చక చక జరిగిపోతాయి. తర్వాత సహా గర్భం దాల్చడం, దాని కోసం లాంగ్ లీవ్(ఉద్యోగంలో) తీసుకోవడం జరుగుతుంది. పుట్టింటి వాళ్ళు కూడా సహాకి నెలలు నిండటంతో ఆమెను దగ్గరకు తీసుకుంటారు.

కానీ మరోవైపు అనుకోకుండా సంజు ఉద్యోగం పోతుంది. ఉద్యోగం ఉన్నన్ని రోజులు సహా పుట్టింటి వాళ్ళు అతన్ని మహారాజులా చూస్తారు. కానీ ఉద్యోగం పోయాక.. అతన్ని తక్కువ చేసి చూస్తారు. అది సహాకి నచ్చదు. సంజు సైతం సహాపై ఫ్రస్ట్రేట్ అయ్యి.. ఆమె ఫోన్ కాల్స్ అవాయిడ్ చేస్తూ ఉంటాడు. అలాగే సీరియస్ గా గవర్నమెంట్ ఉద్యోగానికి ప్రిపేర్ అవుతుంటాడు. ఈ క్రమంలో ఓ ఘోరం జరుగుతుంది? ఆ తర్వాత సహా, సంజు జీవితాలు ఎటువంటి మలుపు తీసుకున్నాయి అనేది మిగిలిన కథ.

నటీనటుల పనితీరు: శివ కుమార్ కాసారం బాగా చేశాడు. స్కూల్ పిల్లాడిగా, కాలేజీ స్టూడెంట్ గా, ప్రభుత్వ ఉద్యోగిగా లుక్స్ విషయంలో అతను చూపించిన వేరియేషన్స్ అభినందనీయం. పాత్రకి సరెండర్ అయ్యి బాగానే పెర్ఫార్మ్ చేశాడు. శ్వేతా లక్ష్మణ్ కూడా చాలా బాగుంది. లుక్స్ తో పాటు పెర్ఫార్మన్స్ కూడా బాగా చేసింది. వ్రజన పాండ్య పాత్ర సినిమాని ఎండ్ చేయడం కోసం పనికొచ్చింది అని చెప్పాలి. మిగతా నటీనటుల పాత్రలు అంతగా రిజిస్టర్ కావు.

సాంకేతిక నిపుణుల పనితీరు: ప్రమోషన్స్ లో హీరో, హీరోయిన్లు ఛాలెంజ్లు విసిరిన రేంజ్లో ఈ సినిమా కథ, కథనాలు ఉండవు. అప్పుడెప్పుడో వచ్చిన ‘టెన్త్ క్లాస్’ నుండీ మొన్నామధ్య వచ్చిన వడ్డే నవీన్ ‘నా ఊపిరి’ వరకు చాలా సినిమాల పోలికలు కనిపిస్తాయి. టార్గెటెడ్ ఆడియన్స్ సైతం ఇరిటేట్ అయ్యేలా లాజిక్ లెస్ సన్నివేశాలు ఈ సినిమాలో చాలా ఉంటాయి. కథ, కథనాల్లో టైం పీరియడ్ కనిపించదు.

అది పక్కన పెట్టేస్తే.. ఎం సెట్ పరీక్ష మిస్ అయినంత మాత్రాన హీరోకి డిగ్రీ చదివే ఛాన్స్ ఉండదా? హీరోయిన్ ఇంజినీరింగ్ చదవడానికి వెళితే.. రోజంతా ఆమెతోనే కాలేజీలో ఉంటాడు హీరో. మరీ ఇంత కేర్ లెస్ యువత ఉంటుందా? హీరోయిన్ మంచి స్టూడెంట్ అయినప్పటికీ అతనికి మంచి చెప్పకపోవడం ఏంటో? దర్శకుడికే తెలియాలి. సరే తెలీకుండానే ఇలా పర్సనల్ గా ఇన్వాల్వ్ అయిపోయి తిట్టాలనిపించే సెన్స్ లెస్ సీన్స్ ఇందులో ఉన్నాయి.

సినిమాలో డైలాగులు సహజంగా అనిపిస్తాయి. ఆ విషయంలో దర్శకుడిని మెచ్చుకోవచ్చు. ఎడిటింగ్ కొంత కన్ఫ్యూజ్ చేసింది. స్క్రీన్ ప్లే అలా ఉన్నప్పుడు ఎడిటర్ మాత్రం ఏం చేస్తాడు. నిర్మాణ విలువలు కథకి తగ్గట్టు బాగానే సెట్ అయ్యాయి. క్లైమాక్స్ లో చూపించే యాక్సిడెంట్ ఎపిసోడ్ చాలా రియలిస్టిక్ ఫీల్ ఇచ్చి భయపెడుతుంది. శేఖర్ చంద్ర మ్యూజిక్ గురించి ప్రత్యేకంగా చెప్పుకోవాలి. పాటలు వినడానికి బాగున్నాయి. బ్యాక్ గ్రౌండ్ స్కోర్ తో సినిమా సోల్ ని బ్రతికించే ప్రయత్నం చేశాడు.

విశ్లేషణ: టీజర్, ట్రైలర్ చూసినప్పుడే ‘సహ’ (Sahaa) కథ, కథనాల పై ఆడియన్స్ కి ఒక క్లారిటీ వచ్చేస్తుంది. అంతకు మించి సినిమాలో సర్ప్రైజింగ్ ఎలిమెంట్స్ ఏమీ ఉండవు. థియేటర్లు ఎక్కువ ఇచ్చినా ఈ సినిమాకి రూ.50 కోట్లు కాదు కదా.. అందులో సగం కలెక్ట్ చేసే కెపాసిటీ కూడా లేదు.

ఫోకస్ పాయింట్: ‘సహ’నం లేకపోతే భరించడం కష్టం

రేటింగ్: 1.5/5