వరుసబెట్టి వచ్చిన ఆరు డిజాస్టర్స్ తర్వాత “చిత్రలహరి”తో మళ్ళీ బ్యాక్ టు ఫామ్ వచ్చిన సాయిధరమ్ తేజ్.. హిట్ వచ్చింది కదా అని వరుసబెట్టి సినిమాలు చేయకుండా తన లుక్ మార్చుకొని, సన్నబడి, హెయిర్ స్టైల్ కూడా మార్చుకొని మరీ మారుతి దర్శకత్వంలో సినిమాకి సన్నద్ధమయ్యాడు సాయిధరమ్ తేజ్. గీతా ఆర్ట్స్ 2, యువీ క్రియేషన్స్ సంయుక్తంగా నిర్మించనున్న ఈ చిత్రంలో సాయిధరమ్ తేజ్ సరసన ముగ్గురు కథానాయికలు నటించనున్నారు. ప్రస్తుతం మారుతి ఆ ముగ్గురు హీరోయిన్స్ ను ఫైనల్ చేసే పనిలో ఉన్నాడు.
ఇకపోతే.. ఈ సినిమాకి తొలుత “భోగి” అనే టైటిల్ కన్సిడర్ చేసిన విషయం తెలిసిందే. ఇప్పుడు ఈ సినిమాకి ఒక కొత్త టైటిల్ ఫిక్స్ చేశారు. ఈ సినిమాకి “ప్రతిరోజు పండగ” అనే అనే టైటిల్ ను కన్సిడర్ చేస్తున్నారట. ఈమేరకు రిజిష్ట్రేషన్ కూడా పూర్తయ్యిందని తెలుస్తోంది. సాయిధరమ్ తేజ్ కెరీర్ కి ఈ చిత్రం మంచి బూస్టప్ లా ఉంటుందని సినిమా యూనిట్ సమాచారం. మరి తేజ్ తన కెరీర్ ను ఎలా ప్లాన్ చేసుకొన్నాడో చూడాలి.
Home
