సాయి ధరమ్ తేజ్ ‘ఆకతాయి’తనం..!

మెగా మేనల్లుడు సాయి ధరమ్ తేజ్.. గోపీ చంద్ మలినేని దర్శకత్వంలో తెరకెక్కనున్న చిత్రంలో నటించనున్న సంగతి తెలిసిందే. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతుండగా.. గోపీ మోహన్ చిత్ర కథకు తుది మెరుగులు దిద్దుతున్నాడు.

మసాలా యాక్షన్ ఎంటర్టైనర్ గా తెరకెక్కనున్న ఈ చిత్రానికి ఆకతాయి అనే టైటిల్ ను ఖరారు చేసినట్లు సమాచారం. నల్లమలపు బుజ్జి, ఠాగూర్ మధులు సంయుక్తంగా నిర్మిస్తున్న ఈ చిత్రంలో సాయి సరసన రకుల్ ప్రీత్ సింగ్ నటించనుంది. ప్రస్తుతం సునీల్ రెడ్డి దర్శకత్వంలో తెరకెక్కుతున్న ‘తిక్క’ షూటింగ్ లో సాయి బిజీగా ఉన్నాడు. మరోవైపు సాయి నటించిన సుప్రీమ్ చిత్రం విడుదలకు సిద్దమౌతోంది.