మహేష్ సినిమాలో నటించడంపై స్పందించిన సాయి ధరమ్ తేజ్!

ప్రస్తుతం మహేష్ బాబు హ్యాట్రిక్ హిట్ డైరక్టర్  కొరటాల శివ దర్శకత్వంలో భరత్ అనే నేను సినిమా చేస్తున్నారు. దీని తర్వాత వంశీ పైడి పల్లి దర్శకత్వంలో నటించనున్నారు. అమెరికా నేపథ్యంలో సాగే ఈ సినిమాకి సంబంధించిన ప్రీ ప్రొడక్షన్ పనులు వేగంగా సాగుతున్నాయి. ఈ చిత్రంలో ఓ కీలక పాత్రకు మొదటగా అల్లరి నరేష్ అని అనుకున్నారు. అతని స్థానంలో మెగా హీరో సాయి ధరమ్ తేజ్ ని తీసుకున్నట్లు కొన్ని రోజులుగా వార్తలు షికారు చేశాయి.  సాయి ధరమ్ తేజ్ నటించిన సినిమా జవాన్ నిన్న రిలీజ్ అయి మిశ్రమ స్పందన అందుకుంది. ఈ సందర్భంగా మీడియా ముందుకు వచ్చిన  సాయి ధ‌ర‌మ్ తేజ్  ఈ వార్త‌ల‌పై స్పందించారు.

“నేను.. మ‌హేష్ క‌లిసి న‌టించ‌బోతున్న‌ట్టు వ‌చ్చిన వార్త‌లు నిజం కాదు. అవ‌న్నీ రూమర్స్. `జవాన్‌` త‌ర్వాత   వినాయ‌క్ ద‌ర్శ‌క‌త్వంలో ఓ సినిమా, క‌రుణాక‌ర‌న్ డైరెక్ష‌న్‌లో సినిమా చేయ‌బోతున్నాను” అని వివరించారు. అంతేకాదు ఈ రెండు సినిమాల తర్వాత  గీతా ఆర్ట్స్‌, మైత్రీ మూవీస్ బ్యాన‌ర్ల‌లో సినిమాలు చేయ‌బోతున్నాన‌ని చెప్పారు. సో మహేష్ 25 వ సినిమాలో సాయి ధరమ్ తేజ్ నటించడం లేదు. మరి ఆ రోల్ ఎవరికీ దక్కుతుందో చూడాలి. ప్రముఖ నిర్మాతలు అశ్వినీదత్, దిల్ రాజు సంయుక్తంగా నిర్మిస్తున్న ఈ మూవీ ఫిబ్రవరి నుంచి సెట్స్ మీదకు వెళ్లనుంది.