శివగామితో మెగా మేనల్లుడు గెలవగలడా …?

April 3, 2020 / 06:42 PM IST

Join Us

రమ్యకృష్ణ ఎంత గొప్ప నటో ‘బాహుబలి’ తో ఇండియా మొత్తం తెలిసిందే. అయితే తెలుగు, తమిళ పరిశ్రమలకి ‘నరసింహ’ చిత్రంతోనే తెలిసింది. ఆ చిత్రంలో సూపర్ స్టార్ రజినీ కాంత్ నే డామినేట్ చేసే రేంజ్ లో నటించి ఆశ్చర్యపరిచింది. అయితే బాహుబలి తో ఇప్పుడు ఆమె క్రేజ్ మరింత పెరిగింది. ఈమె కాల్షీట్స్ కోసం ఇప్పుడు స్టార్ డైరెక్టర్లు కూడా వేచి చూస్తున్నారు.

ఓ క్యారెక్టర్ ఆర్టిస్ట్ గా కూడా స్టార్ డం ను అనుభవిస్తుంది మన శివగామి. ఇప్పుడు ఈమె కృష్ణవంశీ డైరెక్షన్లో ‘రంగమార్తాండ’ చిత్రంతో పాటు … సాయి తేజ్ – దేవ్ కట్టా కాంబినేషన్లో తెరకెక్కుతోన్న చిత్రంలో కూడా రమ్య కృష్ణ ఓ ముఖ్య పాత్రలో నటించనుందట. ఈ చిత్రంలో ఆమె ముఖ్యమంత్రిగా కనిపించబోతుందని సమాచారం. చిన్న చిన్న పాత్రలనే చించి ఆరేసె రమ్యకృష్ణకి…అలాంటి పవర్ ఫుల్ పాత్ర ఇస్తే ఏ రేంజ్లో నటిస్తుందో ప్రత్యేకంగా చెప్పనక్కర్లేదు.

Sai Dharam Tej periodic movie budget 40 Cr1

అలాంటి రమ్య కృష్ణతో ఈ చిత్రంలో స్టూడెంట్ లీడర్ గా నటిస్తున్న సాయి తేజ్ .. ఎడ్యుకేషన్ సిస్టం లో జరిగే లొసుగుల కారణంగా గొడవకి దిగుతాడట. అయితే ఇప్పటి వరకూ సాయి తేజ్ సంపూర్ణ నటుడుగా అయితే ముద్ర వేసుకోలేదు. తనకి ఉన్న హిట్లు అన్నీ పెద్ద బ్యానర్లలో చేసినవే..! మరి రమ్యకృష్ణ తో పోటీ పడి నటించి మెప్పించగలడా..?