శర్వా నంద్, సాయి పల్లవి గొడవతోనే సినిమా ఆగిందా?

హను రాఘవపూడి దర్శకత్వంలో తెరకెక్కుతోన్న “పడి పడి లేచే మనసు” షూటింగ్ కి బ్రేక్ పడినట్లు తెలిసిందే. స్క్రిప్ట్ లో మార్పులు కారణంగానే సినిమా షూటింగ్ వాయిదా వేసినట్లు నిన్నటి వరకు చెప్పుకున్నారు. కానీ తాజా సమాచారం మేరకు సాయి పల్లవి ఆటిట్యూడ్ వల్ల షూటింగ్ ని ఆపాల్సి వచ్చిందని ఫిలిం నగర్ వాసులు చెప్పుకుంటున్నారు. సాయి పల్లవి మలయాళంలో ప్రేమమ్ తో హిట్ కొట్టగా.. తెలుగులో ఫిదా తో మంచి మార్కులు పట్టేసింది. ఎంసీఏ లోను అలరించింది.

తమిళంలో   కణం(కరు) ద్వారా అడుగుపెట్టింది. ఈ సినిమాల్లో ఆమె నటనకు వంక పెట్టలేము. అయితే ఈ సినిమా షూటింగ్ లలో వరుణ్ తేజ్ ని మినహా అందరితో గొడవ పెట్టుకున్నట్లు తెలిసింది. ఎంసీఏ సమయంలో నాని ని ఇబ్బంది పెట్టినప్పటికీ అతను దానిని బయటికి చెప్పుకోలేదని వినికిడి. కణం షూటింగ్ సమయంలో నాగ శౌర్య తో గొడవ పడడం వల్ల అతను ప్రమోషన్ కి రాలేదు. తాజాగా శర్వానంద్‌తో కూడా సాయిపల్లవి గొడవపడిందంటున్నారు. షూటింగ్ సమయంలో నటన తప్పించి ఆమె ఏ విషయంలో ఇన్వాల్వ్ కాదని, తోటి నటులతో, టెక్నీషియన్స్ తో కూడా మాట్లాడదని.. ఆ విషయంలో గొడవవచ్చిందని సమాచారం.  ఆ గొడవ పెద్దది అయి షూటింగ్ నిలిపివేయాల్సి వచ్చిందని తెలిసింది. మరి  ఇద్దరినీ ఎవరు ఒప్పిస్తారో.. సినిమా ఎప్పుడు కంప్లీట్ అవుతుందో చూడాలి.