ఫిదా సినిమాతో అందరిని ఫిదా చేసి మంచి గుర్తింపు తెచ్చుకున్న హీరోయిన్ సాయి పల్లవి. కెరియర్ పరంగా ఆచి తూచి అడుగులు వేస్తున్న ఈ భామ ప్రస్తుతం తెలుగులో హను రాఘవపూడి దర్శకత్వంలో హీరో శర్వానంద్ తో కలసి నటించిన ‘పడి పడి లేచె మనసు’ అనే సినిమా రిలీజ్ కి దగ్గరలో ఉంది. అయితే ఇటీవలే తన సినిమాలో హీరోయిన్ గా నటించమని ఒక డైరెక్టర్ అడుగగా ఆ డైరెక్టర్ కి సాయి పల్లవి నో అని చెప్పేసిందట.
ఇక విషయంలోకి వెళితే, ‘ఉయ్యాలా జంపాల’, ‘మజ్ను’ సినిమాలకు దర్శకత్వం వహించిన విరించి వర్మ, సితార ఎంటర్టైన్మెంట్స్ లో హీరో కళ్యాణ్ రామ్ తో కలసి ఒక సినిమా చేయనున్నాడు. ఇక ఇందులో హీరోయిన్ సాయి పల్లవి అయితే బాగుంటుందని భావించిన డైరెక్టర్ వెళ్లి తనకి కథ చెప్పగా, కథలో తన పాత్రకి తాను ఎక్స్పెక్ట్ చేసినంతగా ప్రాముఖ్యత లేదని సినిమా చేయనని చెప్పిందట. మరి ఈ అమ్మడు మిస్ చేసుకున్న ఆ అవకాశం ఏ హీరోయిన్ కి వరిస్తుందో చూడాలి.
