సహజనటి సాయి పల్లవి దక్షిణాది సినీ పరిశ్రమల్లో టాప్ హీరోయిన్ గా ఎదుగుతోంది. మ‌ల‌యాళంలో ‘ప్రేమ‌మ్‌’ తో మలయాళ కుర్రోళ్ళ గుండెల్ని గాయపరిచిన ఈ సుందరి.. తెలుగులో ఫిదా సినిమాతో అందరి చూపు తనవైపు తిప్పుకుంది. సామాన్య ప్రేక్షకులతో పాటు సెలబ్రిటీలు సైతం సాయి పల్లవికి ఫిదా అయిపోయారు. వారిలో గబ్బర్ సింగ్ డైరక్టర్ హరీష్ శంకర్ ఒకరు. సాయిప‌ల్ల‌వి న‌ట‌నకు హరీష్ శంకర్ అభిమాని అయిపోయారు. ఆ అభిమానంతోనే “ఫిదా” షూటింగ్ సమయంలో సాయిప‌ల్ల‌విని క‌లిసి ఆమెతో ఫోటో తీసుకున్నారు. ఆ ఫోటోని సోషల్ మీడియాలో పోస్ట్ చేస్తూ ఆనందాన్ని పంచుకున్నారు. అంతేకాదు ఆమెని డైరక్ట్ చేయాలనీ ఆశపడ్డారు. దువ్వాడ జగన్నాథం తర్వాత హరీష్ “దాగుడుమూతలు” సినిమాని తెరకెక్కించబోతున్నారు. దిల్ రాజు నిర్మిస్తున్న ఈ మ‌ల్టీస్టార‌ర్ సినిమాలో నితిన్‌, శ‌ర్వానంద్ హీరోలుగా ఫిక్స్ అయ్యారు.
ఇందులోఓ హీరోయిన్‌గా ర‌కుల్‌ను తీసుకున్నారు. మ‌రో హీరోయిన్‌గా సాయిప‌ల్ల‌విని తీసుకుందామ‌నుకున్నారు. అయితే ఆ సినిమాలో నటించేందుకు సాయి పల్లవి “నో” చెప్పిందని తెలిసింది. క‌థ‌లో తన క్యారక్టర్ నచ్చకపోవడంతో మొహమాటం లేకుండా చేయనని స్పష్టం చేసిందని సమాచారం. దీంతో హరీష్ శంకర్ హర్ట్ అయినట్లు ఫిలిం నగర్ వాసులు చెప్పుకుంటున్నారు, దిల్ రాజు ఆమెను ఎలాగైనా ఒప్పించే పనిలో ఉన్నట్టు టాక్. మరి సాయి పల్లవి తన ఆలోచన మార్చుకుంటుందో.. లేదో చూడాలి.
