స్టార్ హీరో జూనియర్ ఎన్టీఆర్ కొరటాల శివ కాంబినేషన్ లో వచ్చిన జనతా గ్యారేజ్ మూవీ బాక్సాఫీస్ దగ్గర బ్లాక్ బస్టర్ హిట్ గా నిలిచిన సంగతి తెలిసిందే. శ్రీమంతుడు తర్వాత కొరటాల శివ, నాన్నకు ప్రేమతో సినిమా తర్వాత ఎన్టీఆర్ కలిసి నటించిన ఈ సినిమాకు ఎన్టీఆర్ పర్ఫామెన్స్, కొరటాల శివ డైలాగ్స్, సెకండాఫ్ లో కొన్ని సన్నివేశాలు హైలెట్ అయ్యాయి. సమంత, నిత్యామీనన్ ఈ సినిమాలో హీరోయిన్లుగా నటించారు,
అయితే ఈ సినిమా కండల వీరుడు సల్మాన్ ఖాన్ హీరోగా బాలీవుడ్ లో రీమేక్ కానుందని తెలుస్తోంది. మైత్రీ మూవీ మేకర్స్ బ్యానర్ లో ఈ సినిమా తెరకెక్కనుందని ఇండస్ట్రీ వర్గాల్లో వినిపిస్తుండగా ఈ సినిమాకు సంబంధించిన అధికారిక ప్రకటన రావాల్సి ఉంది. మైత్రీ మూవీ మేకర్స్ ఈ సినిమా కోసం కొరటాల శివను సంప్రదించినా కొరటాల శివ ఆసక్తి చూపలేదని తెలుస్తోంది. మైత్రీ మూవీ మేకర్స్ ఈ మూవీ కోసం టాలీవుడ్ దర్శకుడిని ఎంపిక చేస్తారో లేక బాలీవుడ్ డైరెక్టర్ ను ఎంపిక చేస్తారో చూడాల్సి ఉంది.
జనతా గ్యారేజ్ రీమేక్ లో సల్మాన్ ఖాన్ నటించినా అభినయం విషయంలో ఎన్టీఆర్ ను మించి మెప్పించడం కష్టమని ఎన్టీఆర్ ఫ్యాన్స్ అభిప్రాయపడుతున్నారు. గతంలో ఎన్టీఆర్ హిట్ మూవీ టెంపర్ ను రీమేక్ చేసి విశాల్ ఫ్లాప్ రిజల్ట్ ను అందుకున్నారని ఎన్టీఆర్ ఫ్యాన్స్ అభిప్రాయపడుతున్నారు. సల్మాన్ ఖాన్ జనతా గ్యారేజ్ లో నటిస్తే ఎన్టీఆర్ నటనతో పోల్చి సల్మాన్ ను తారక్ ఫ్యాన్స్ ట్రోల్ చేసే అవకాశాలు అయితే ఉన్నాయి.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home