చైతన్య (Naga Chaitanya) , సమంత (Samantha) కాంబినేషన్ లో వచ్చిన సినిమాలలో మెజారిటీ సినిమాలు బాక్సాఫీస్ వద్ద బ్లాక్ బస్టర్ హిట్టయ్యాయి. పెళ్లి చేసుకుని కొన్నేళ్ల పాటు అన్యోన్యంగా ఉన్న చైతన్య, సమంత కొన్ని కారణాల వల్ల విడిపోయారు. అటు చైతన్య కానీ ఇటు సమంత కానీ విడిపోవడం వెనుక కారణాలను వెల్లడించలేదు. విడాకులు తీసుకున్న తర్వాత అటు చైతన్య ఇటు సమంత కెరీర్ పరంగా బిజీగా ఉన్నారు. కొన్నిరోజుల క్రితం అమెజాన్ ప్రైమ్ కు సంబంధించి జరిగిన ఈవెంట్ లో చైతన్య, సమంత ఒకే వేదికపై కనిపించారు.
తాజాగా సమంత సోషల్ మీడియాలో తన హెల్త్ గురించి చెబుతూ ఒక పాడ్ కాస్ట్ వీడియోను సోషల్ మీడియా వేదికగా షేర్ చేయడం జరిగింది. అయితే ఒక నెటిజన్ ఒక నెటిజన్ అమాయకుడైన చైతన్యను ఎందుకు మోసం చేశావంటూ కామెంట్ చేయగా ఆ కామెంట్ నెట్టింట వైరల్ అయింది. ఆ కామెంట్ తన దృష్టికి రావడంతో సమంత “క్షమించండి.. ఇలాంటివి చేయడం మీకంత మంచిది కాకపోవచ్చు..
మీకింకా స్ట్రాంగ్ టెక్నిక్స్ కావాలి.. మీకు అంతా మంచి జరగాలని కోరుకుంటున్నా” అంటూ చేతులెత్తి నమస్కరిస్తున్న ఎమోజీని సామ్ పంచుకున్నారు. సమంత రిప్లైకు 5000కు పైగా లైక్స్ వచ్చాయి. ట్రోల్స్ చేసేవాళ్లకు సమంత ధీటుగా జవాబివ్వాలని ఆమె ఫ్యాన్స్ చెబుతున్నారు. సమంత త్వరలో క్రేజీ ప్రాజెక్ట్ లతో బిజీ కానున్నారని ఆమె నటించిన సిటాడెల్ ఇండియన్ వెర్షన్ కూడా త్వరలో అమెజాన్ ప్రైమ్ లో స్ట్రీమింగ్ కానుందని తెలుస్తోంది.
పలు బాలీవుడ్ ప్రాజెక్ట్ లలో సమంత నటించే ఛాన్స్ ఉందని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. సమంతకు క్రేజ్ ఏ మాత్రం తగ్గలేదని ఆమె రెమ్యునరేషన్ కూడా భారీ స్థాయిలో ఉందని భోగట్టా. సామ్ సక్సెస్ రేట్ మరింత పెరగాలని ఫ్యాన్స్ ఫీలవుతున్నారు.
