సమంత – పూజా హెగ్డే ఫ్యాన్స్ మధ్య వార్ పీక్స్ కు వెళ్లేలా ఉందే..!

సాధారణంగా సోషల్ మీడియాలో స్టార్ హీరోల ఫ్యాన్స్ మధ్య వార్స్ జరుగుతుండడాన్ని మనం చూస్తూనే వస్తున్నాం.అయితే అది రెగ్యులర్ గా జరగదు. వారి అభిమాన హీరోల సినిమాలు ఒకే టైములో విడుదలైతేనో లేదా రికార్డుల విషయాల్లోనో జరుగుతుంటాయి. అయితే ఇప్పుడు హీరోయిన్ల అభిమానుల మధ్య కూడా పెద్ద వార్ జరుగుతుండడం గమనార్హం. వివరాల్లోకి వెళితే.. ఇప్పుడు సోషల్ మీడియాలో సమంత – పూజా హెగ్డే అభిమానులు నువ్వా-నేనా అన్నట్టు తలబడుతున్నారు.

‘సమంత ఓ ప్లాస్టిక్ బ్యూటీ’ అంటూ పూజా ఫ్యాన్స్.. అలాగే ‘పూజా హెగ్డేకి యాక్టింగ్ రాదు’ అంటూ సమంత ఫ్యాన్స్… ఒకరినొకరు ట్రోల్ చేసుకుంటున్నారు. నిజానికి ఈ వార్ గతేడాది సమ్మర్లోనే మొదలైందని చెప్పాలి. ఒకానొక టైములో పూజా హెగ్డే …తన ఇన్స్టా గ్రామ్ లో ‘మజిలీ’ లో సమంత ఫోటోని షేర్ చేసి ‘ఈమెలో నాకు అస్సలు అందం కనబడదు’ అంటూ కామెంట్ పెట్టింది. అయితే అటు తరువాత.. ‘తన ఇన్స్టా గ్రామ్ ఖాతాను ఎవరో హ్యాక్ చేసారని..

తన అకౌంట్లో ఏవైనా అసభ్యకరమైన,అభ్యంతరకరమైన పోస్టులు వస్తే వాటిని పట్టించుకోవద్దని.. తన టెక్నికల్ టీం ఆ ఇష్యూని సాల్వ్ చేసే పనిలో ఉన్నారని’ పూజా హెగ్డే తెలిపింది. అయితే సమంత అభిమానులు మాత్రం ఆ విషయాన్ని అంత ఈజీగా తీసుకోలేదు. పూజా హెగ్డే ను దారుణంగా ట్రోల్ చేశారు. బహుశా పూజా అభిమానులు దానిని ఇంకా మనసులో పెట్టుకున్నారనుకుంట.. ఇప్పుడు సమంతను ట్రోల్ చెయ్యడం మొదలుపెట్టారు.’సామ్ జామ్’ ఎపిసోడ్ కు పూజా వెళ్ళకూడదని.. ఒకవేళ వెళ్తే సమంత ప్లాస్టిక్ అందం పూజకు అంటుకుంటుందని’ వారు కామెంట్లు పెడుతున్నారు.

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!