స్టార్ హీరోయిన్ సమంత ప్రధానపాత్రలో నటిస్తున్న ప్రెస్టీజియస్ పాన్ ఇండియా ఫిలిం ‘శాకుంతలం’.. భారీ బడ్జెట్ చిత్రాలకు పెట్టింది పేరైన గుణ శేఖర్ హిస్టారికల్ బ్యాక్‌డ్రాప్‌లో అత్యంత ప్రతిష్టాత్మకంగా తెరకెక్కిస్తున్నారు.. గుణ టీమ్ వర్క్స్, శ్రీ వెంకటేశ్వర క్రియేషన్స్ బ్యానర్ల మీద నీలిమ గుణ నిర్మిస్తున్నారు. మలయాళీ యాక్టర్ దేవ్ మోహన్, డా.మోహన్ బాబు, సచిన్ కేడ్‌కర్, గౌతమి, మధుబాల, ప్రకాష్ రాజ్, కబీర్ బేడి, అదితి బాలన్, అనన్య నాగళ్ల, వర్షిణి సౌందరరాజన్ వంటి భారీ తారాగణంతో, భారీ బడ్జెట్‌తో తెరకెక్కిస్తున్నారు..
ఐకాన్ స్టార్ అల్లు అర్జున్ కుమార్తె చిన్నారి అల్లు అర్హ ఈ సినిమాతో బాలనటిగా పరిచయమవుతోంది.. తెలుగు, తమిళ్, కన్నడ, హిందీ, మలయాళం భాషల్లో ఫిబ్రవరి 17న భారీ స్థాయిలో విడుదల చేయనున్నారు. ఇటీవల రిలీజ్ చేసిన ట్రైలర్ సినిమా మీద అంచనాలు పెంచేసింది. సమంత కెరీర్‌లో సోలోగా మరో సూపర్ హిట్ అందుకోనుందనిపించేలా ‘శాకుంతలం’ ట్రైలర్ ఉందంటున్నారు సామ్ ఫ్యాన్స్.. మహాకవి కాళిదాసు ‘అభిజ్ఞాన శాకుంతలం’ ఆధారంగా తెరకెక్కుతున్న ఈ చిత్రంలో సమంత పూర్తిస్థాయిలో డబ్బింగ్ చెప్పడమే కాక డైలాగులు చక్కగా పలికింది..
ఈ మూవీలో సామ్ సరికొత్త మేకోవర్‌లో మెరిసిపోయింది. ఇప్పటికే ఆమె లుక్‌కి మంచి రెస్పాన్స్ వచ్చింది. ‘శాకుంతలం’ పాత్ర కోసం సమంత ధరించిన నగలు గురించి, వాటి ధర గురించి నెట్టింట వార్తలు వైరల్ అవుతున్నాయి. సమంత క్యారెక్టర్ కోసం హైదరాబాద్‌కి చెందిన వసుంధర డైమండ్ రూఫ్ వారు ప్రత్యేకంగా నగలు డిజైన్ చేశారు. ఆమె ధరించిన ఆభరణాల విలువ దాదాపు రూ.3 కోట్ల వరకు ఉంటుందట.
అలాగే సామ్ ఏకంగా 30 కిలోల బరువుండే శారీ కట్టుకోగా.. ఆ చీరతో ఏడు రోజుల పాటు షూట్ చేశామని ఈ మూవీకి స్టైలిష్‌గా వర్క్ చేసిన ప్రముఖ బాలీవుడ్ ఫ్యాషన్ డిజైనర్ నీతా లుల్లా చెప్పుకొచ్చారు. ‘యశోద’ తో సూపర్ హిట్ కొట్టిన సమంత.. ప్రస్తుతం ఓ వెబ్ సిరీస్ షూటింగులో పాల్గొంటుందని సమాచారం.
2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!
షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?
