ఇవాళ్టి నుంచి పోటీపడనున్న సమంత, నయనతార

December 15, 2020 / 01:08 PM ISTByFilmy Focus

Join Us

ఒకరేమో పెళ్లి చేసుకొని కెరీర్ & లైఫ్ లో బాగా సెటిలై ఉన్నత హోదాను, స్టార్ డమ్ & క్రేజ్ ను ఆస్వాదిస్తున్నారు. మరొకరేమో పెళ్లి చేసుకోలేదు కానీ.. లేడీ సూపర్ స్టార్ హోదాను ఎంజాయ్ చేస్తూ వరుస సినిమాలు అంగీకరిస్తున్నారు. వాళ్లే సమంత & నయనతార. ఈ ఇద్దరిలో నయన్ కాస్త సీనియర్ అయినప్పటికీ.. ఆమె స్థాయికి ఏమాత్రం తీసిపోలేదు సమంత. ఇప్పుడు ఈ ఇద్దరు కలిసి నటిస్తుండడం అనేది చర్చనీయాశం అయింది.

నయన్ బాయ్ ఫ్రెండ్ విగ్నేష్ శివన్ దర్శకత్వంలో విజయ్ సేతుపతి హీరోగా తెరకెక్కుతున్న సమంత వెర్సెస్ నయనతార సినిమా షూటింగ్ ఇవాళ నుండి హైద్రాబాద్ లో మొదలవ్వనుంది. ప్రస్తుతం రజనీకాంత్ “అన్నతే” సినిమా కోసం హైద్రాబాద్ వచ్చిన నయన్.. పనిలో పనిగా ఆ సినిమా కూడా పూర్తి చేసుకుంటుంది, ఇక సమంత ఎలాగూ హైద్రాబాద్ లో ఉంటుంది. ఈ సినిమా పై జనాలకి మంచి క్రేజ్ ఉంది. ఇద్దరు స్టార్ హీరోయిన్స్ ఒకే సినిమాలో నటించి చాలా ఏళ్లయ్యింది.

ఇప్పుడు ఈ ఇద్దరు కలిసి నటిస్తుండడంతో.. ఈ చిత్రాన్ని తెలుగులోనూ విడుదల చేయడం కామన్ కాబట్టి.. కొన్ని పోర్షన్స్ తెలుగులో షూట్ చేసి బైలింగువల్ గా విడుదల చేసే ఆలోచనలో ఉన్నారు మేకర్స్. విజయ్ సేతుపతి కూడా తెలుగులో సైరా వల్ల మంచి గుర్తింపు సంపాదించుకున్నాడు. “ఉప్పెన” సినిమాలోనూ కీలకపాత్ర పోషిస్తున్నాడు. ఇవన్నీ కన్సిడర్ చేసినప్పుడు ఈ ప్రాజెక్ట్ తెలుగులోనూ హల్ చల్ చేయడం ఖాయం.