ప్రభాస్ ‘స్పిరిట్’.. ప్రస్తుతం ఇండియన్ సినిమాలో ఇదే హాటెస్ట్ ప్రాజెక్ట్. సందీప్ రెడ్డి వంగా దర్శకత్వంలో వస్తున్న ఈ పోలీస్ డ్రామాలో చిన్న పాత్ర దొరికినా చాలని ఇండస్ట్రీ మొత్తం ఎదురుచూస్తోంది. ఏకంగా మంచు విష్ణు “నాకు ఛాన్స్ ఇవ్వండి” అని బహిరంగంగా లేఖ రాశాడంటేనే.. ఈ సినిమాపై క్రేజ్ ఏ స్థాయిలో ఉందో అర్థం చేసుకోవచ్చు.
ఇంత టఫ్ కాంపిటీషన్ నడుమ, ఇప్పుడు ఒక షాకింగ్ పేరు తెరపైకి వచ్చింది. ఆయనే దగ్గుబాటి అభిరామ్. ‘అహింస’ సినిమాతో హీరోగా ఎంట్రీ ఇచ్చి, భారీ డిజాస్టర్ మూటగట్టుకున్న అభిరామ్‌ను సందీప్ వంగా ఓ కీలక పాత్ర కోసం ఎంపిక చేశాడని ఫిల్మ్ నగర్‌లో గట్టిగా టాక్ నడుస్తోంది.
‘అహింస’ ఫ్లాప్ తర్వాత పూర్తిగా సైలెంట్ అయిన అభిరామ్‌ను సందీప్ ఎందుకు పిలిచాడు? అనే ప్రశ్నకు, ఇండస్ట్రీ వర్గాల్లో ఓ ఆసక్తికరమైన గాసిప్ వినిపిస్తోంది. ‘స్పిరిట్’లో ఓ పాత్రకు చాలా ‘యాటిట్యూడ్’, ‘యారోగెన్స్’ (పొగరు) కావాలట. అభిరామ్ రియల్ లైఫ్ క్యారెక్టర్ గురించి బయట ఇలాంటి ప్రచారమే ఉంది. అతనిలోని ఆ ‘యారోగెన్స్’ నచ్చే సందీప్ ఈ పాత్రకు పిలిచాడని అంటున్నారు.
సందీప్ ఎప్పుడూ స్టార్లను చూసి ఛాన్స్ ఇవ్వడు. ‘యానిమల్’కు బాబీ డియోల్‌ను, ‘స్పిరిట్’కు వివేక్ ఒబెరాయ్‌ను ఎంచుకున్నాడంటేనే అతని జడ్జిమెంట్ అర్థం చేసుకోవచ్చు. ఇప్పుడు అభిరామ్‌లోని ఆ యాటిట్యూడ్‌నే నమ్మి, దాన్ని స్క్రీన్‌పై స్టైలిష్‌గా చూపించాలని ఫిక్స్ అయ్యాడట.
‘అహింస’ తర్వాత పూర్తిగా అడ్రస్ లేని అభిరామ్‌కు, ఒకవేళ ఈ వార్త నిజమైతే, ఇది జాక్‌పాట్ తగిలినట్లే. బడా స్టార్లు వెయిట్ చేస్తుంటే, సందీప్ పిలిచి మరీ ఫ్లాప్ హీరోకి ఛాన్స్ ఇచ్చాడంటే, అది అభిరామ్ కెరీర్‌కే అతిపెద్ద టర్నింగ్ పాయింట్ అవుతుంది.
