షాకిస్తున్న .. గోపీచంద్ ‘సీటిమార్’ ప్రీ రిలీజ్ బిజినెస్..!

యాక్షన్ హీరో గోపీచంద్ ఈ మధ్య కాలంలో సరైన హిట్టు కొట్టడానికి చాలా కష్టపడుతున్నాడు. గతంలో ఇతని సినిమాలు మినిమం గ్యారెంటీ అనే విధంగా ఉండేవి. అయితే కుర్ర హీరోలు నాని,విజయ్ దేవరకొండ వంటి వారి పోటీకి గోపీచంద్ కాస్త తడబడుతూ వచ్చాడు. అయితే ఇప్పుడు తన తరువాతి ప్రాజెక్టులను బాగానే ప్లాన్ చేసుకుంటున్నాడు. ప్రస్తుతం గోపిచంద్.. సంపత్ నంది డైరెక్షన్లో ‘సీటీమార్’ అనే చిత్రం చేస్తున్నాడు. కబడ్డీ నేపథ్యంలో సాగే కథాంశంతో రూపొందుతోన్న ఈ చిత్రంలో గోపీచంద్..

కబడ్డీ కోచ్ గా కనిపించబోతున్నాడు.హీరోయిన్ గా తమన్నా నటిస్తుంది. ‘హిప్పీ’ ఫేమ్ దిగంగన సూర్యవంశీ కూడా ఈ చిత్రంలో కీలక పాత్ర పోషిస్తుంది. గతంలో గోపీచంద్ -సంపత్ నంది కాంబినేషన్లో వచ్చిన ‘గౌతమ్ నంద’ చిత్రం ఆశించిన స్థాయిలో విజయం సాధించలేదు. దాంతో ఈసారి మంచి హిట్ కొట్టాలని ఈ ఇద్దరూ ఫిక్స్ అయ్యారట. ఇప్పటివరకూ జరిగిన షూటింగ్ పార్ట్ తో చిత్ర యూనిట్ సభ్యులు సంతృప్తిగా ఉన్నారట. ఇదిలా ఉండగా.. ఈ చిత్రానికి ప్రీ రిలీజ్ బిజినెస్ కూడా ఓ రేంజ్లో జరిగినట్టు తాజా సమాచారం.

అందుతున్న సమాచారం ప్రకారం.. ప్రముఖ ‘జీ’ వారు ఈ చిత్రం థియేట్రికల్,డిజిటల్ మరియు శాటిలైట్ హక్కులను ఏకంగా రూ.26కోట్లు పెట్టి కొనుగోలు చేశారట. ఈ మధ్యకాలంలో గోపీచంద్ సినిమాలకు ఇంత భారీ రేటు పలికిన సందర్భాలు లేవు. దీనిని బట్టి ‘సీటిమార్’ పై ఉన్న క్రేజ్ ఏంటనేది స్పష్టమవుతుంది.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!