కమ్ముల లవ్ స్టొరీకి.. డబ్బే డబ్బు..

నాగ చైతన్య, సాయి పల్లవి కలిసి నటించిన మొదటి చిత్రం లవ్ స్టోరీ పై అంచనాలు రోజురోజుకు మరింత పెరుగుతున్నాయి. సినిమాపై మొదటి నుంచి కూడా అంచనాలు భారీగానే ఉన్నాయి. ఫిదా సినిమా అనంతరం చాలా గ్యాప్ తరువాత శేఖర్ కమ్ముల దర్శకత్వంలో వస్తున్న సినిమా కాబట్టి ఓ వర్గం ఆడియేన్స్ ఎంతో ఆతృతగా ఎదురుచూస్తున్నారు. ఇక సినిమాకు సంబంధించిన టీజర్ సాంగ్స్ కూడా మంచి బజ్ క్రియేట్ చేస్తున్నాయి.

దీంతో సినిమా విడుదలకు ముందే నిర్మాతలకు మంచి లాభాలను అందించింది. సినిమా నాన్ థియేట్రికల్ బిజినెస్ ద్వారా 20.5కోట్లు వచ్చినట్లు తెలుస్తోంది. స్టార్ మా ఛానెల్ లవ్ స్టొరీ శాటిలైట్ హక్కులను 8కోట్లకు కొన్నట్లు తెలుస్తోంది. ఇక ఓటీటీ డిజిటల్ రైట్స్ ను ఆహా 6కోట్లకు సొంతం చేసుకుంది. ఇక హిందీ డబ్బింగ్ రైట్స్ ద్వారా మరో 6కోట్ల వరకు అందుకున్న లవ్ స్టొరీ పెట్టిన పెట్టుబడిలో సగానికి పైగా వెనక్కి తెచ్చేసింది.

శేఖర్ కమ్ముల మార్కెట్ ఏమిటో మరోసారి అర్ధమయ్యింది. అలాగే సాయి పల్లవి క్రేజ్ నాగ చైతన్య గత సినిమాలు హిట్టవ్వడం సినిమాకు బాగా కలిసొచ్చింది. నాన్ థియేట్రికల్ ద్వారానే ఈ రేంజ్ లో లాభాలను అందుకున్న ఈ సినిమా మరి ఏప్రిల్ 16న థియేటర్స్ లో ఎలాంటి ఓపెనింగ్స్ ను అందుకుంటుందో చూడాలి.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?