వర్షంలో చనిపోయి పడి ఉన్నారు.. ఎందుకో మరి

కృష్ణవేణి అంటే ఇప్పటి వాళ్లకు పెద్దగా తెలియదు కానీ… గత తరం సినిమా ప్రేక్షకులకు బాగా తెలుస్తుంది. ఇంకా గుర్తు రాలేదంటే కామెడీ కృష్ణవేణి అని అంటే కచ్చితంగా గుర్తొచ్చేస్తుంది. ‘నగ్నసత్యం’ సినిమాతో ఇండస్ట్రీలోకి వచ్చారు కృష్ణవేణి. ఆ తర్వాత ‘ధర్మ వడ్డీ’ సినిమాతో హీరోయిన్‌గా నటించి మెప్పించింది. కానీ ఆ తర్వాత క్యారెక్టర్‌ ఆర్టిస్ట్‌గా మారిపోయారు. అలా సుమారు 150 సినిమాల్లో నటించారు. అయితే ఆమె భర్త అనుమానాస్పద మృతి చెందడంతో ఆ తర్వాత సినిమాలకు దూరమైపోయారు.

Click Here To Watch

సినిమా కథానాయికగా బిజీగా ఉన్న సమయంలోనే కృష్ణవేణి రాజాచంద్ర అనే దర్శకుణ్ని వివాహం చేసుకున్నారు. ‘పిచ్చి పంతులు’, ‘వారాలబ్బాయి’, ‘ ఓ తండ్రి తీర్పు’ లాంటి హిట్‌ సినిమాలిచ్చిన దర్శకుడు ఆయన. అప్పటికే ఆయనకు పెళ్లి అయి పిల్లలున్నా.. ఇద్దరికీ నచ్చడంతో కృష్ణవేణి వివాహానికి ముందుకొచ్చారు. ఈ పెళ్లి విషయం రాజాచంద్ర తొలి భార్యకు కూడా తెలుసట. కృష్ణవేణి – రాజాచంద్రకు ఓ ఆడబిడ్డ జన్మించింది. వివాహబంధం అంతా బాగుంది అనుకున్న సమయంలో రాజాచంద్ర చనిపోయారు.

‘ముగ్గురు మిత్రులు’, ‘తీర్పు’, ‘ఓ తండ్రిగారు’ ‘దేవీ శ్రీదేవి’, ‘బంధం’, ‘జీవన పోరాటం’ లాంటి హిట్‌ సినిమాలు చేశారు. సరిగ్గా ఆ సమయంలోనే కారు ప్రమాదంలో ఆయన చనిపోయారని తొలుత అందరూ అనుకున్నారు. కోడంబాక్కం పవర్‌ హౌస్‌ దగ్గర ఆయన డెడ్‌ బాడీ దొరికిందట. ఆ సమయంలో కృష్ణవేణి న్యాయం కోసం చాలా పోరాడారు. అప్పటి కమిషనర్‌ దేవారాం ఈ విషయంలో కృష్ణవేణికి చాలా చేదోడువాదోడుగా ఉన్నారట. జరిగిందేదో జరిగిపోయింది మీకు సాయం కావాలంటే తమిళనాడు పోలీసు డిపార్ట్‌మెంట్‌ నుండి సాయం చేస్తామని అన్నారట.

నీ బిడ్డను చూసుకోవడానికి నువ్వు ఉండాలి. ఇలాంటి సమయంలో ఆవేశంతో నిర్ణయాలు తీసుకోకుండా కూతురు కోసం బతకాలి అని అన్నారట. దీంతో తిరిగి కోలుకొని కృష్ణవేణి తిరిగి సాధారణ జీవితం ప్రారంభించారట కృష్ణవేణి. అయితే ఓ హీరోయిన్‌ కారణంగానే తన భర్త చనిపోయారని కృష్ణవేణి చెప్పినట్లు వార్తలు చక్కర్లు కొట్టాయి.

భామా కలాపం సినిమా రివ్యూ & రేటింగ్!

Most Recommended Video

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!