2001 నాటి పోటీని గుర్తుచేస్తున్న 2017 సంక్రాంతి

తెలుగు వారికి పెద్దపండుగ సంక్రాంతి. ఆ పండుగ రోజుల్లో పెద్ద హీరోల చిత్రాలు థియేటర్లలో సందడి చేస్తుంటాయి. ఆనాడు ఎన్టీఆర్, ఏఎన్ఆర్, కృష్ణ కాలం నుంచి ఈ సంప్రదాయం కొనసాగుతూ వస్తోంది. రెండో తరం హీరోలైన చిరంజీవి, బాల కృష్ణ, వెంకటేష్, నాగార్జున చిత్రాలు సంక్రాంతి రిలీజ్ అయి అదృష్టాన్ని పరీక్షించుకునేవి. తొమ్మిదేళ్ళ క్రితం చిరు సినీ రంగం నుంచి తప్పుకోవడంతో ఈ పోటీలో మజా తగ్గింది. ఇన్నాళ్ళకి ఆ పందెం కోళ్లు మళ్లీ బరిలో దిగనున్నాయి.

మెగాస్టార్ 150 వ సినిమా ఖైదీ నంబర్ 150 జనవరి 13 న రిలీజ్ అవుతుందని నిర్మాత రామ్ చరణ్ తేజ్ ప్రకటించారు. నట సింహ బాలకృష్ణ వందో చిత్రం గౌతమి పుత్ర శాతకర్ణి సంక్రాంతి విడుదలవుతుందని చిత్ర బృందం గతనెల ప్రకటించింది. తాజాగా విక్టరీ వెంకటేష్ కూడా సంక్రాంతికి రావడానికి సిద్ధమవుతున్నట్లు ప్రకటించారు. గురు తో సందడి చేయడానికి ప్లాన్ చేస్తున్నారు. 2001 లో వీరు ముగ్గురు మృగరాజు, నరసింహ నాయుడు, దేవీ పుత్రుడుగా సంక్రాంతికి తెలుగు ప్రేక్షకులను పలకరించారు. వీరిలో నరసింహ నాయుడు విజయాన్ని అందుకున్నాడు. 2017 సంక్రాంతికి రానున్న  ఖైదీ,  గౌతమి పుత్రుడు, గురులో ఎవరిది పై చేయి అవుతుందో చూడాలి.