2017 లో ఉత్తమ నటుడిగా అనేక అవార్డ్స్ అందుకున్న ఎన్టీఆర్

కొన్నేళ్లుగా హిట్ కి దూరంగా ఉన్న ఎన్టీఆర్ టెంపర్ మూవీతో హిట్ ట్రాక్ లోకి వచ్చారు. వరుసగా హ్యాట్రిక్ అందుకున్నారు. గత ఏడాది అయన నటించిన నాన్నకు ప్రేమతో, జనతా గ్యారేజ్ సినిమాలు సూపర్ హిట్ అయ్యాయి. కలక్షన్స్ తో కొత్త రికార్డ్స్ సృష్టించాయి. ఆ సినిమాలు వసూళ్లకు మాత్రమే పరిమితం కాలేదు. తారక్ కి అవార్డుల వర్షం కురిపిస్తున్నాయి. ఈ ఏడాది ఎక్కడ అవార్డ్స్ ఫంక్షన్ జరిగినా ఉత్తమనటుడు అవార్డు ఎన్టీఆర్ కి వచ్చి చేరుతోంది. నిన్న రాత్రి దుబాయ్ లో జరిగిన సైమా (సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌) వేడుకల్లో  ఉత్తమ నటుడు అవార్డు ఎన్టీఆర్‌ కి ప్రకటించారు. ‘జనతా గ్యారేజ్‌’లో నటనకు గానూ ఈ అవార్డు వరించింది. దీంతో తారక్ అందుకున్నఅవార్డ్స్ సంఖ్య  ఐదుకు చేరింది. గతనెల హైదరాబాద్ లో జరిగిన  64వ ఫిలిం ఫేర్ పురస్కారాల్లో భాగంగా జూనియర్ ఎన్టీఆర్  2016లో విడుదలైన ‘నాన్నకు ప్రేమతో’ చిత్రానికి గాను ఉత్తమ నటుడిగా అవార్డ్‌ అందుకున్నారు.

కళాతపస్వి కె. విశ్వనాథ్ క్లాసికల్ హిట్ ‘శంకరాభరణం’ పేరిట నటి తులసి అవార్డ్స్ అందించారు. ఇందులో ఉత్తమ నటుడిగా ఎన్టీఆర్ అవార్డు తీసుకున్నారు. కొన్ని రోజుల క్రితం జీ తెలుగు వారు కింగ్ ఆఫ్ బాక్స్ ఆఫీస్ అవార్డు తో ఎన్టీఆర్ ని సత్కరించారు. అలాగే ఇంటర్నేషనల్ ఇండియన్ ఫిలిం అకాడమీ(ఐఫా) -2017 సెకండ్ ఎడిషన్ వేడుకలు మార్చి 28,29 తేదీలలో ఘనంగా జరిగాయి. ఇందులో బెస్ట్ పర్‌ఫార్మెన్స్ ఇన్ లీడింగ్ రోల్ (మేల్) అవార్డు ఎన్టీఆర్ ( జనతా గ్యారేజ్ ) సొంతమైంది. ఇలా అవార్డ్స్ ని కేలీన్ స్వీప్ చేయడంతో నందమూరి అభిమానులు సంబరాలు చేసుకుంటున్నారు.

Also, do SUBSCRIBE to our YouTube channel to get latest Tollywood updates.