నా సినిమాలన్నీ థియేటర్లోనే చూడాలి.. ఓటిటికి నో ఛాన్స్ : షకలక శంకర్

‘జబర్దస్త్’ కమెడియన్ షకలక శంకర్.. ఈ మధ్యన బండ్ల గణేష్ ను మించిపోతున్నాడనే చెప్పాలి. బండ్ల గణేష్ కూడా సినిమాల్లో అంతంత మాత్రమే కామెడీ చేసి నవ్వించే వాడు. కానీ బయట మాత్రం బీభత్సమైన కామెడీ చేసేవాడు. ఇప్పుడు ఆ పోస్ట్ ను షకలక శంకర్ తీసుకున్నాడా అనే అనుమానం కలుగక మానదు. ఇటీవల షకలక శంకర్.. ఓ ఇంటర్వ్యూలో పాల్గొన్నాడు. ఆ ఇంటర్వ్యూలో అతను మాట్లాడుతూ.. “ప్రస్తుతం నేను హీరోగా 3-4 సినిమాలు చేస్తున్నాను.

లాక్ డౌన్ తర్వాత ఆ చిత్రాల షూటింగ్ లు మొదలయ్యే అవకాశం ఉంది. ఓటీటీ లో మాత్రం ఏదీ విడుదల కాదు.. అన్నీ 4 కోట్ల బడ్జెట్ తో నిర్మించబడుతున్నాయి. కాబట్టి అన్ని సినిమాలను ప్రేక్షకులు థియేటర్లోనే చూడాలి. పైగా ఒక్కో పాటకు 20 లక్షలు ఖర్చు చేస్తున్నాం” అంటూ చెప్పుకొచ్చాడు. ఇక్కడ ఓ ఇమేజ్ ఉన్న హీరోకే 4 కోట్లు పెడతారు అన్న గ్యారెంటీ ఉండదు. మరి ఇలాంటి కమెడియన్ సినిమాలకు కూడా 4కోట్లు బడ్జెట్ పెడతారా?

అంటూ కొంతమంది కామెంట్లు చేస్తున్నారు. ఇక ఇతను నటిస్తున్న ‘పరాన్నజీవి’ సినిమా ఓటిటిలో రిలీజ్ అవుతున్న సంగతి బహుసా మరిచిపోయాడేమో అనే సెటైర్లు వినిపిస్తున్నాయి.

Most Recommended Video

40 ఏళ్ళ వయసొచ్చినా.. పెళ్లి గురించి పట్టించుకోని హీరొయిన్స్..!
విడాకులతో కోట్లకు పడగెత్తిన సెలెబ్రిటీలు!
ఈ సూపర్ హిట్లను మిస్ చేసుకున్న టాలీవుడ్ హీరోలు..?