Sharwanand: 8 కిలోలు తగ్గిన యంగ్ హీరో..!

June 29, 2022 / 06:56 PM ISTByFilmy Focus

Join Us

Sharwanand: 8 కిలోలు తగ్గిన యంగ్ హీరో..!

ఈ మధ్యకాలంలో శర్వానంద్ బాగా లావైపోయారు. ‘జాను’ సినిమా కోసం లావుగా కనిపించాలని బరువు పెరిగారు. ఆ తరువాత అదే ఫిజిక్ తో సినిమాల్లో నటిస్తున్నారు. ‘శ్రీకారం’, ‘ఆడవాళ్లు మీకు జోహార్లు’ వంటి సినిమాల్లో బొద్దుగా కనిపించారు శర్వానంద్. ఈ విషయంపై ఆయన్ను ప్రశ్నించినప్పుడు.. త్వరలోనే బరువు తగ్గుతానని, తదుపరి సినిమాలో కొత్త లుక్ తో కనిపిస్తానని అన్నారు. చెప్పినట్లే ‘ఆడవాళ్లు మీకు జోహార్లు’ సినిమా తరువాత కాస్త గ్యాప్ తీసుకొని తన ఫిట్ నెస్ పై శ్రద్ధ పెట్టారు.

దాదాపు 8 కిలోల బరువు తగ్గారు. ఇప్పుడు శర్వా మళ్లీ మునుపటి లుక్ లోకి వచ్చేశారు. తాజాగా శర్వా లుక్ ఒకటి బయటకొచ్చింది. ఈ లుక్ చూసిన అభిమానులు ఊపిరి పీల్చుకుంటున్నారు. కథల ఎంపిక విషయంలో శర్వానంద్ చాలా జాగ్రత్తగా ఉన్నా.. ఈ మధ్య ప్లాప్ లు తగిలాయి. ఇప్పుడు మళ్లీ కథలపై దృష్టి పెట్టాలనుకుంటున్నారా. కాస్త గ్యాప్ వచ్చినా.. మంచి కథతోనే ప్రేక్షకుల ముందుకు రావాలనుకుంటున్నారు.

అందుకే బాగా ఆలోచించి నిర్ణయం తీసుకోవాలనుకుంటున్నారు. ప్రస్తుతం శర్వా ‘ఒకే ఒక జీవితం’ సినిమాలో నటిస్తున్నారు. ఇటీవల ఈ సినిమా టీజర్ ను విడుదల చేశారు. దీనికి ప్రేక్షకుల నుంచి మంచి రెస్పాన్స్ వచ్చింది. తెలుగు, తమిళ భాషల్లో ఈ సినిమాను విడుదల చేయనున్నారు.