అందాల తార శ్రియ సెంచెరీ చేసింది. టాలీవుడ్ క్వీన్ వన్ అండ్ హాఫ్ సెంచెరీ చేసింది. ఏంటి హీరోయిన్స్ కి ఏమైనా క్రికెట్ పోటీలు పెట్టారా ? అని కంగారు పడకండి. నటసింహ బాలకృష్ణ వందో చిత్రంలో శ్రియ నటించి హిట్ కొట్టింది. మెగాస్టార్ చిరంజీవి 150 వ సినిమాలో కాజల్ కనిపించి హిట్ ట్రాక్ లోకి వచ్చింది. ఇప్పుడు చిరు, బాలకృష్ణలు తదుపరి సినిమాల కోసం రెడీ అవుతున్నారు. బాలకృష్ణ 101వ చిత్రం కె.ఎస్.రవికుమార్ దర్శకత్వంలో తెరకెక్కబోతోంది. ఇందుకు రెడ్డిగారు, జయసింహ అనే పేర్లు పరిశీలనలో ఉన్నాయి. ఇందులో హీరోయిన్ గా మిల్కీ బ్యూటీ తమన్నా ఖరారైందని సమాచారం. వీరిద్దరిది ఫ్రెష్ కాంబినేషన్.
ఇక చిరంజీవి తన 151వ చిత్రాన్ని సురేందర్ రెడ్డి దర్శకత్వంలో చేస్తున్నారు. రామ్ చరణ్ నిర్మించనున్న ఈ మూవీ ప్రీ ప్రొడక్షన్ వర్క్ జరుపుకుంటోంది. ఇందులో శ్రుతిహాసన్ కథానాయికగా ఫిక్స్ అయినట్లు తెలిసింది. ఈ వివరాలను అధికారకంగా త్వరలో ప్రకటించనున్నారు. ఈ రెండు సినిమాల కోసం చిరు, బాలయ్య అభిమానులు ఎంతగా ఎదురు చూస్తున్నారో.. అంతకంటే ఎక్కువగా తమన్నా, శృతి హాసన్ లు ఎదురుచూస్తున్నారు. స్టార్ హీరోలతో నటించి హిట్స్ ని తమ ఖాతాల్లో వేసుకుందామని ఆశపడుతున్నారు.
Also, do SUBSCRIBE to our YouTube channel to get latest Tollywood updates.
