స్టార్ హీరోయిన్ శృతిహాసన్ తెలుగుతో పాటు తమిళంలో వరుస సినిమా ఆఫర్లతో బిజీగా ఉన్నారు. క్రాక్ సినిమాతో సెకండ్ ఇన్నింగ్స్ ను మొదలుపెట్టిన శృతిహాసన్ కు నటించిన సినిమాలన్నీ సక్సెస్ సాధిస్తూ ఉండటంతో ఆఫర్లు అంతకంతకూ పెరుగుతున్నాయి. ప్రశాంత్ నీల్ డైరెక్షన్ లో ప్రభాస్ కు జోడీగా సలార్ మూవీలో శృతిహాసన్ నటిస్తున్నారు. ఈ సినిమాతో పాటు శృతి హాసన్ ఒక తమిళ సినిమాలో కూడా నటిస్తుండటం గమనార్హం. తమిళంలో విజయ్ సేతుపతి ప్రధాన పాత్రలో లాభం మూవీ తెరకెక్కుతుండగా శృతి ఆ మూవీలో కీలక పాత్ర పోషిస్తున్నారు.
సలార్ సినిమాతో శృతిహాసన్ డ్రీమ్ కూడా తీరుతుండటం గమనార్హం. చాలా సంవత్సరాల నుంచి శృతిహాసన్ ప్రభాస్ తో సినిమా చేయాలని ఆశ పడుతుండగా ఈ సినిమాతో ఎట్టకేలకు శృతిహాసన్ కోరిక తీరనుంది. సలార్ మూవీలో ఛాన్స్ రావడం శృతి అదృష్టంగా భావించడంతో పాటు ఈ సినిమాతో భారీ బ్లాక్ బస్టర్ హిట్ అందుకుంటానని ఆమె అభిప్రాయపడుతున్నారు. గతంలో సింగం 3 సినిమాలో జర్నలిస్ట్ పాత్రను పోషించిన శృతిహాసన్ సలార్ మూవీలో కూడా అదే పాత్రలో నటిస్తుండటం గమనార్హం.
తాజాగా శృతి ప్రభాస్ గురించి మాట్లాడుతూ ప్రభాస్ చాలా హంబుల్ పర్సన్ అని ప్రభాస్ సెట్ లో ఎల్లప్పుడూ పాజిటివ్ గా ఉంటారని క్రేజీ కామెంట్స్ చేశారు. ప్రశాంత్ నీల్ పర్ఫెక్షనిస్ట్ అని సలార్ మూవీలో నటిస్తున్నందుకు సంతోషంగా ఉందని శృతిహాసన్ చెప్పుకొచ్చారు. ప్రభాస్ గురించి శృతిహాసన్ చేసిన కామెంట్లు సోషల్ మీడియాలో వైరల్ అవుతున్నాయి.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home