రకుల్ ప్లేస్ లో శృతి!

సమంత పెళ్ళికి రెడీ అయిపోయింది, అనుష్క లావైపోయింది, రెజీనాకు ఐరన్ లెగ్ స్టాంప్ పడిపోయింది. ఇలా ఉన్న స్టార్ హీరోయిన్లందరూ రకరకాలుగా బిజీ అయిపోవడంతో.. ప్రస్తుతం పంజాబీ భామ రకుల్ కు వద్దంటే అవకాశాలు క్యూ కడుతున్నాయి. ఇప్పటివరకూ అమ్మడి కెరీర్ లో “లౌక్యం” మినహా చెప్పుకోదగ్గ విజయం ఒక్కటి కూడా లేకపోయినా.. అదృష్టం కలిసి రావడమే కాక పరిగెట్టుకుంటూ వచ్చి ఒళ్ళో వాలడంతో వరుసగా మహేష్ బాబు, రామ్ చరణ్, విశాల్ లాంటి స్టార్ హీరోలందరితోనూ జతకట్టే అవకాశాలు దక్కించుకొంది.

అయితే.. “బ్రూస్ లీ” తర్వాత మళ్ళీ రామ్ చరణ్ తో నటించే అవకాశం రావడానికి కారణం వేరే ఉందట. తొలుత “బ్రూస్ లీ”లో శృతిని కథానాయికగా అనుకొన్నారట. చరణ్ సరసన “ఎవడు” తర్వాత సెకండ్ టైమ్ అనేసరికి శృతి కూడా సరే అందట. కానీ.. డేట్స్ ఎడ్జెస్ట్ అవ్వకపోవడంతో ఆమె స్థానంలో రకుల్ ను తీసుకొన్నారట. ఈ విషయాన్ని ఇటీవల శృతి తన సన్నిహితులతో చెప్పుకొందట!