Shruti Haasan: అతడి కోసం శృతి తమిళ వంటకాలు!

టాలీవుడ్ లో స్టార్ హీరోయిన్ గా గుర్తింపు తెచ్చుకున్న శృతిహాసన్.. బాలీవుడ్ కి వెళ్లి అక్కడ సెటిల్ అవ్వాలని ప్రయత్నించింది. కానీ ఆమెకి సరైన బ్రేక్ రాకపోవడంతో తిరిగి టాలీవుడ్ లో నటిస్తోంది. రీసెంట్ గా పవన్ కళ్యాణ్ నటించిన ‘వకీల్ సాబ్’ సినిమాలో హీరోయిన్ గా కనిపించింది. ప్రస్తుతం ప్రభాస్ సరసన ‘సలార్’ అనే పాన్ ఇండియా సినిమాలో నటిస్తోంది. అలానే కోలీవుడ్ లో విజయ్ సేతుపతితో మరో సినిమా చేస్తుంది. ఇదిలా ఉండగా.. కొన్నాళ్లుగా శృతి తన ప్రేమాయణంతో వార్తల్లో నిలుస్తుంది.

గతంలో ఇంగ్లండ్ కు చెందిన సింగర్ మైకేల్ కోర్సలేతో పీకల్లోతు ప్రేమలో మునిగిన శృతి అతడిని తన పేరెంట్స్ కి కూడా పరిచయం చేసింది. పెళ్లి చేసుకుంటారనుకున్న ఈ జంట బ్రేకప్ చెప్పుకొని షాకిచ్చింది. అయితే కొన్నాళ్లకే శృతి డూడుల్ ఆర్టిస్ట్ శంతనుతో సన్నిహితంగా మెలగడం మొదలుపెట్టింది. అతడితో దిగిన క్లోజ్ ఫోటోలను తరచూ సోషల్ మీడియాలో షేర్ చేస్తుంటుంది. ముంబైలో పాక్షిక లాక్ డౌన్ ఉండడంతో శృతి.. శంతనుతోనే కలిసి ఉంటుంది. కానీ తను ప్రేమలో ఉన్నట్లు శృతి ఎప్పుడూ చెప్పలేదు.

శంతను తనకి స్నేహితుడు మాత్రమేనని చెబుతూ తప్పించుకుంటుంది. ఇప్పుడు తన బాయ్ ఫ్రెండ్ కోసం అమ్మడు స్పెషల్ గా తమిళ వంటకాలను సిద్ధం చేసి అతడికి స్పెషల్ ట్రీట్ ఇచ్చింది. గత రాత్రి ఇద్దరూ కలిసి డిన్నర్ చేసిన ఫోటోలను శృతి సోషల్ మీడియాలో షేర్ చేసింది. వైట్ రైస్, చెన్నై స్టైల్ లో సాంబార్, కూర, అప్పడం ఉన్నాయి. ఈ విషయాన్ని అభిమానులతో షేర్ చేస్తూ.. ‘తమిళ విందుని ఆస్వాదిస్తున్న కుర్రాడు’ అంటూ చిన్న వీడియోను షేర్ చేసింది.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!