Aditi Rao Hydari: సిద్ధార్థ్‌ కోసం అదితి ఇన్‌స్టా పోస్ట్‌ వైరల్‌.. అందులో ఏముందంటే?

సినిమా ఇండస్ట్రీలో ప్రేమ కథలు బాగా విచిత్రంగా ఉంటాయి. సినిమాల్లో చూపించే దాని కన్నా విచిత్రంగా ఉంటాయి అని చెప్పినా ఎక్కువేం కాదు. ప్రేమలో ఉన్నట్లే షికార్లు తిరుగుతుంటారు, వైరల్‌ అవుతుంటారు. కానీ అడిగితే మాత్రం ఎలాంటి మాట ఉండదు. ఒకవేళ ఉన్నా క్లారిటీ లేకుండా సమాధానాలు ఇస్తుంటారు. అలాంటి రిలేషన్‌లో సిద్దార్థ్, అదితి రావు హైదరీ రిలేషన్‌ కూడా ఒకటి. గత కొన్ని నెలలుగా వీరిద్దరూ డేటింగ్‌లో ఉంటున్నారంటూ వార్తలొస్తున్నాయి. కానీ క్లారిటీ ఇవ్వడం లేదు.

కానీ సరదా వేషాలు వేస్తూ ఏదో ఉంది అనిపిస్తూ ఉన్నారు. తాజాగా మరోసారి సిద్ధార్థ్‌, (Aditi Rao Hydari) అదితీ రావు హైదరికి సంబంధించిన వీడియో ఒకటి సోషల్‌ మీడియాలో వైరల్‌గా మారింది. సిద్ధార్థ్‌ పుట్టిన రోజు సందర్భంగా అదితీరావు హైదరి ఇన్‌స్టాగ్రామ్‌లో ఓ వీడియో షేర్‌ చేసింది. సిద్ధుకి బర్త్‌డే విషెష్‌ చెబుతున్నట్లుగా ఉన్న ఆ పోస్టులో ఇద్దరూ కలసి చిన్న పిల్లల్లా గంతులు వేస్తూ ఎంజాయ్‌ చేస్తున్నారు. దీంతో వాట్స్‌ హ్యాపెనింగ్‌ వాట్స్‌ హ్యాపెనింగ్‌ అంటూ మరోసారి డిస్కషన్‌ మొదలైంది.

అయితే ఎప్పటిలాగే వీటిపై వాళ్లు ఎలాగూ స్పందించరు. దీంతో ఏం లేదంటారు.. ఈ గంతులేంటి అని అంటున్నారు నెటిజన్లు. మొదట్లో సిద్ధార్థ్‌, అదితి మధ్య ఏం లేదని, ఇదంతా పుకార్లే అనుకున్నారంతా. కానీ తర్వాత ఇద్దరూ కొన్ని ప్రైవేట్‌ కార్యక్రమాల్లో కలసి కనిపించడం, సోషల్ మీడియాలో కలసి రీల్స్ చేయడం వంటివి చూసి వీరిద్దరూ డేటింగ్‌లో ఉన్నారని ఫిక్స్‌ అయ్యే పరిస్థితి వచ్చింది. ఈ క్రమంలో అదితిని ఇదే విషయం అడిగితే.. ఏదో చెప్పేసి సమాధానం దాటేసింది.

ఈ నేపథ్యంలో సిద్దార్థ్ పుట్టిన రోజు శుభాకాంక్షలు చెప్పిన స్టైల్‌ చూసి.. ఏదో ఉంది అనే నిర్ణయానికి వచ్చేశారు ఫ్యాన్స్‌. అన్నట్లు అదితి ఏం చెప్పిందో చెప్పలేదుగా.. ‘‘హ్యాపీ బర్త్‌డే మేనికార్న్‌. నువ్వు ఎప్పుడూ ఆనందంగా ఉండాలి. సినిమాలు, సంగీతం, ప్రేమ అన్నీ నీకు దక్కాలి. నీలాంటి నిష్కల్మషమైన హృదయానికి కోట్ల నవ్వులు దక్కాలి. ఎప్పుడూ ఇంతే మ్యాజికల్‌గా ఉండు. నువ్వు నీలా ఉండుద. హ్యాపీ సిద్ధు డే’’ అని రాసుకొచ్చింది.

 

View this post on Instagram

 

A post shared by Aditi Rao Hydari (@aditiraohydari)

శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!

బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!