Skanda First Review: స్కంద ఫస్ట్ రివ్యూ వచ్చేసింది.. ఎలా ఉందంటే?

ఎనర్జిటిక్ స్టార్ రామ్ హీరోగా ఊర మాస్ డైరెక్టర్ బోయపాటి శ్రీను దర్శకత్వంలో ‘స్కంద’-ది ఎటాకర్ అనే సినిమా రూపొందిన సంగతి తెలిసిందే. శ్రీలీల హీరోయిన్ గా నటించిన ఈ మూవీలో శ్రీకాంత్, గౌతమి వంటి వారు కూడా కీలక పాత్రలు పోషిస్తున్నారు. ‘శ్రీనివాసా సిల్వర్ స్క్రీన్’ బ్యానర్ పై నిర్మాత శ్రీనివాసా చిట్టూరి ఈ చిత్రాన్ని నిర్మిస్తున్నారు. ‘జీ స్టూడియోస్ సౌత్’, ‘పవన్ కుమార్’ సమర్పకులుగా వ్యవహరిస్తుండటం విశేషం.

ఎస్ ఎస్ తమన్ సంగీతంలో రూపొందిన పాటలు, అలాగే టీజర్, ట్రైలర్, రిలీజ్ ట్రైలర్ లకి సూపర్ రెస్పాన్స్ వచ్చింది. సెప్టెంబర్ 28న ఈ సినిమా ప్రేక్షకుల ముందుకు రానుంది. తెలుగులో ఓ కంప్లీట్ మాస్ సినిమా వచ్చి చాలా కాలం అవుతుంది. కాబట్టి ‘స్కంద’ పై అంచనాలు భారీగా ఉన్నాయి. ఈ నేపథ్యంలో ‘స్కంద’ ఫస్ట్ రివ్యూ బయటకు వచ్చింది. దాని ప్రకారం.. ఫస్ట్ హాఫ్ లో హీరో ఇంట్రడక్షన్ సీన్ కానీ, జైలు ఎపిసోడ్ కానీ కొత్తగా ఉంటుందట.

బోయపాటి శ్రీను మార్క్ ఎలివేషన్స్ ఉన్నప్పటికీ.. స్క్రీన్ ప్లే కొంచెం కొత్తగా ఉందని ఉంటున్నారు. ఇంటర్వెల్ సీక్వెన్స్ మాస్ ఆడియన్స్ కి గూజ్ బంప్స్ తెప్పిస్తుందట. ఇక సెకండ్ హాఫ్ లో వచ్చే ఫ్లాష్ బ్యాక్ ఎపిసోడ్లో .. ఫ్యామిలీ సీన్స్ పేలవంగా ఉన్నాయని అంటున్నారు. అయితే జాతరలో దున్నపోతు ఫైట్ నెక్స్ట్ లెవెల్లో ఉందట. ఆ ఫైట్లోని విజువల్స్ అందరినీ కట్టిపడేస్తాయి అని తెలుస్తుంది. క్లైమాక్స్ రొటీన్ గా ఉన్నప్పటికీ ..

మాస్ ఆడియన్స్ ను అయితే ఆకట్టుకునే విధంగానే ఉంటుందట. మొత్తంగా ఫస్ట్ హాఫ్ పరంగా మెప్పించిన ‘స్కంద’ .. సెకండ్ హాఫ్ లో కొంచెం బోర్ కొట్టించిందని, కొంత భాగం రొటీన్ గా సాగింది అని అంటున్నారు. అయితే రామ్ ఊర మాస్ అవతార్ లో ‘ఇస్మార్ట్ శంకర్’ కి మించి ఎనర్జీతో నటించాడని అంటున్నారు. శ్రీలీలతో కలిసి అతను వేసిన స్టెప్స్ కూడా చాలా బాగా వచ్చాయని సమాచారం. మొత్తంగా ‘స్కంద’ (Skanda) మాస్ ఆడియన్స్ కి ఫీస్ట్ ఇచ్చే విధంగా..ఉంటుందని టాక్ బలంగా వినిపిస్తుంది.

‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!

‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!