Sonu Sood: సోనూసూద్ కు ఏ అవార్డు ఇచ్చినా తక్కువే అవుతుందా..?

కేంద్రంలో అధికారంలో ఉన్న మోదీ సర్కార్ పద్మ పురస్కారాలకు సంబంధించి పేర్లను సిఫార్స్ చేయమని కోరుతోందని పి.టి.ఐ. వార్త సంస్థ తెలియజేసింది. దాంతో నెటిజన్లు, ప్రజలు, సెలబ్రిటీలు ఈ అవార్డుల పేర్లకు సంబంధించి తమ అభిప్రాయాలను తెలియజేస్తున్నారు. ప్రముఖ నటుడు బ్రహ్మాజీ సోషల్ మీడియా వేదికగా సోనూసూద్ కు పద్మవిభూషణ్ ఇవ్వాలని కోరారు. ప్రజలు తన ప్రపోజల్ ను బలపరిస్తే ట్వీట్ ను రీట్వీట్ చేయమని బ్రహ్మాజీ కోరారు.

బ్రహ్మాజీ అలా ప్రకటన చేసిన వెంటనే చాలామంది ఆ ట్వీట్ ను రీట్వీట్ చేశారు. చివరకు ఈ విషయం సోనూసూద్ దృష్టికి వెళ్లగా సోనూసూద్ స్పందించి దేశంలోని 135 కోట్ల మంది భారతీయుల ప్రేమే తనకు పద్మవిభూషణ్ కంటే పెద్ద అవార్డ్ అని తెలిపారు. ప్రజల నుంచి తాను ఆ అవార్డును ఇప్పటికే పొందానని సోనూసూద్ పేర్కొన్నారు. సోనుసూద్ పద్మ పురస్కారాల గురించి చేసిన కామెంట్ల విషయంలో నెటిజన్లు ఆయనను ప్రశంసిస్తున్నారు.

సోనూసూద్ ప్రజలు కరోనా వల్ల ఇబ్బందులు పడుతున్న తరుణంలో కష్టాల్లో ఉన్న వేల మంది ప్రజలకు తన బృందం ద్వారా సహాయం చేశారు. కరోనా కష్ట కాలంలో సోనూసూద్ ప్రజలకు ఆపద్భాందవుడిగా నిలిచారు. సోనూసూద్ కు ఏ అవార్డ్ ఇచ్చినా తక్కువే అవుతుందని ప్రజల్లో కొంతమంది అభిప్రాయం వ్యక్తం చేస్తుండటం గమనార్హం. మరోవైపు సోనూసూద్ కు వచ్చిన మంచిపేరు దృష్ట్యా ఆయనను తమ సినిమాల్లో విలన్ గా చూపించడానికి దర్శకనిర్మాతలు ఇష్టపడటం లేదు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!