అత్తగా రీ ఎంట్రీ ఇస్తోన్న సిమ్రాన్.!

అబ్బాయిగారి పెళ్లి సినిమాతో తెలుగులో అడుగుపెట్టిన సిమ్రాన్ తక్కువకాలంలోనే స్టార్ హీరోయిన్ గా ఎదిగింది. స్టార్ హీరోలైన చిరంజీవి, బాలకృష్ణ, వెంకటేష్, నాగార్జులతో కలిసి నటించి ఎన్నో హిట్స్ అందుకుంది. “సమర సింహా రెడ్డి”, “కలిసుందాం రా”, “నరసింహనాయుడు”, నువ్వు వస్తావని.. వంటి సినిమాలు బ్లాక్ బస్టర్ గా నిలిచాయి. సీతయ్య సినిమాలో ఒక్కమగాడు అంటూ అదిరిపోయే స్టెప్పులు వేసింది. పెళ్లి తర్వాత నటనకు బ్రేక్ ఇచ్చింది. ఆ తర్వాత విశాల్‌ నటించిన “తుప్పరివాళన్” సినిమాతో రీఎంట్రీ ఇచ్చింది.

రీసెంట్ గా గౌతమ్ మీనన్ దర్శకత్వంలో ‘ధృవ నక్షత్రం ’ సినిమాలో కీలక పాత్ర పోషించింది. తెలుగులోనూ రీ ఎంట్రీ కోసం గత కొన్ని రోజులుగా కథలను వింటోంది. తాజాగా ఓ సినిమాకి గ్రీన్ సిగ్నల్ ఇచ్చినట్లు తెలిసింది. హాస్య నటుడు సప్తగిరి హీరోగా ఈశ్వర్ రెడ్డి దర్శకత్వంలో ఒక సినిమా తెరకెక్కనుంది. ఇది అత్తకి తగిన అల్లుడు తరహాలో కొనసాగే కథని సమాచారం. అందుకే అత్త పాత్ర కోసం సిమ్రాన్ ను సంప్రదించగా ఆమె ఓకే చెప్పినట్లు ఫిలిం నగర్ వాసులు చెప్పారు. ఈ మూవీ త్వరలో సెట్స్ పైకి వెళ్లనుంది.