స్పైడర్ క్లైమాక్స్ ని మార్చిన మురుగదాస్

సూపర్ స్టార్ మహేష్ బాబు తొలిసారిగా చేస్తున్న ద్విభాషా చిత్రం స్పైడర్ ఫస్ట్ లుక్ తో అభినందనలు అందుకుంది. తమిళ డైరక్టర్ ఏఆర్ మురుగదాస్ దర్శకత్వంలో తెరకెక్కుతోన్న ఈ మూవీ క్లైమాక్స్, రెండు పాటలు మినహా చిత్రీకరణ పూర్తి చేసుకుంది. ఇన్వెస్ట్ గేషన్ ఆఫీసర్ గా ప్రిన్స్ నటిస్తున్న ఈ చిత్రం షూటింగ్ హైదరాబాద్ లో జరుగుతోంది. ఇక టాకీ పార్ట్ పూర్తి అయిపోతుందని అందరూ అనుకోలోపే మురుగదాస్ ట్విస్ట్ ఇచ్చారు. కొత్త క్లైమాక్స్ ని మహేష్ కి వినిపించేసరికి, ఆయన ఫిదా అయిపోయినట్లు తెలిసింది. దీంతో అదే క్లైమాక్స్ ని తెరకెక్కించే పనిలో పడినట్లు సమాచారం.

అందుకోసమే జూన్ 23 న రావాల్సిన సినిమా ఆగస్టుకి పోస్ట్ పోన్ అయిందని ఫిలిం నగర్ వాసులు చెప్పుకుంటున్నారు. దీని వల్ల అనుకున్న బడ్జెట్ కంటే ఎక్కువ అవుతున్నప్పటికీ నిర్మాత ఎన్.వి.ప్రసాద్ వెనుకడుగు వేయడం లేదు. సినిమా అభిమానుల అంచనాలకు మించి రావాలని కోరుకుంటున్నారు. మహేష్ పక్కన ఫిట్ బ్యూటీ రకుల్ ప్రీత్ సింగ్ ఆడి పాడనున్న ఈ చిత్రంలో విలన్ గా డైరక్టర్, నటుడు ఎస్.జె.సూర్య నటిస్తున్నారు.

Also, do SUBSCRIBE to our YouTube channel to get latest Tollywood updates.